- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ტონი პარკერის გარეშე არ გამოდის
<p>NBA: "სან ანტონიო სპურმა" "მემფისთან" სტუმრად მატჩში 22 შეცდომა დაუშვა და მასპინძლებმა ეს კარგად გამოიყენეს <br> გუშინდელი დღის ცენტრალური მატჩი იყო აღმოსავლეთის მეოთხე და მეექვსე გუნდების - "ორლანდოსა" და "ნიუ იორკის" დაპირისპირება. ამ შეხვედრას ინტრიგა მატჩის წინ გავრცელებულმა ჭორებმაც დაუმატა - თითქოს 2012 წელს დუაიტ ჰოვარდი "ნიქსში" გააგრძელებს კარიერას.</p><p>"ნიუ იორკის" სამწვრთნელო შტაბმა ჯერ ვერ დაალაგა შემადგენლობა. გუნდის გენერალურმა მენეჯერმა დონი უოლშმა ტრეიდების შემდეგაც ვერ მოისვენა და შემადგენლობიდან დაითხოვა კელენა აზუბუიკე და კორი ბრიუერი, შემდეგ თავისუფალი აგენტების ბაზრიდან აიყვანა "შარლოტიდან" გაშვებული დერიკ ბრაუნი და ჯარედ ჯეფრიზი, რომელმაც "ჰიუსტონში" თავისი კონტრაქტი გამოისყიდა.</p><p>დუაიტ ჰოვარდმა თავიდანვე დაანახა მეტოქეს, რომ ის და მისი გუნდი სერიოზულად იყვნენ განწყობილნი - "სუპერმენმა" პირველ მეოთხედში 17 ქულა მიითვალა, აქედან 10 ქულა 14:0 გაქცევას მოხმარდა. სასტარტო 12 წუთის შემდეგ "ორლანდო" 32:12-ს იგებდა, მაგრამ მეორე მეოთხედი მთლიანად ჩააგდო. "ნიქსი" აგრესიულად ათამაშდა და პირველ როლებზე გამოვიდნენ ბილაპსი და სტაუდმაიერი. სწორედ ამ დუეტის წყალობით სტუმრებმა მეორე მეოთხედი 37:15 მოიგეს. თანაც მასპინძლებმა ერთი კალათბურთელი დაკარგეს. ჰედო თურქოგლუმ სათარადრიგოთა სკამიდან რაღაც დაუყვირა მსაჯს და მეორე ტექნიკური პერსონალური მიიღო, რის გამოც გასახდელში მოუწია გამგზავრება.</p><p>"ორლანდო" გონს მხოლოდ მესამე მეოთხედის ბოლოსკენ მოვიდა. მიზანი გაასწორა რაიან ანდერსონმა, ხოლო ჯამირ ნელსონმა მეორე ტაიმში 23 ქულის დაგროვება მოასწრო. "ორლანდო" ისევ გაიქცა - 19:4 და ცხრა წუთით ადრე კვლავ წინ გავიდა. იმავე ბილასისა და ენტონის მონდომებით "ნიქსმა" დროებით დაიბრუნა ლიდერობა, მაგრამ ბოლოს ვერაფერი მოუხერხა ჰოვარდისა და ნელსონის შეწყობილ თამაშს. "ნიქსს" ვერ უშველა ბილაპსის კარგმა თამაშმა, რომელმაც კარიერაში ყველაზე მეტი - 20 საჯარიმო შეასრულა და აქედან 18 გამოიყენა.</p><p>* * *</p><p>გუშინდელ ნომერში ვწერდით იმის შესახებ, რომ "სან ანტონიო სპურმა" ორი-ოთხი კვირით დაკარგა ძირითადი გამთამაშებელი ტონი პარკერი. ფრანგი მცველის გარეშე რეგულარული ჩემპიონატის ლიდერს პირველივე მატჩში გაუჭირდა და გუნდის მწვრთნელებს მოუწევთ იმაზე ფიქრი, როგორ გამოვიდნენ ამ რთული სიტუაციიდან.</p><p>"სან ანტონიომ" "მემფისთან" მატჩში 22 შეცდომა დაუშვა და მასპინძლებმა ეს კარგად გამოიყენეს. საერთოდაც, "გრიზლისმა" ბოლო პერიოდში ძალიან კარგად დაიწყო დაცვაში თამაში და რუდი გეის უთამაშებლობის მიუხედავად პრობლემები მოაგვარა. "მემფისს" საკმარისად ჰყავს ისეთი მოთამაშეები, რომლებმაც ნებისმიერ მომენტში შეიძლება გაისროლონ. "სან ანტონიოსთან" შეხვედრაში ბრწყინვალედ მოქმედებდა ტონი ალენი, რომელმაც ცხრიდან რვა ტყორცნა გამოიყენა, ზაკ რენდოლფმა ორმაგი დუბლი შეასრულა და ოთხი ჩაჭრა მიითვალა, ხოლოდ რეზერვისტმა დარელ არტურმა 31 წუთში 21 ქულის მოპოვება შეძლო.</p><p>რაც შეეხება "სან ანტონიოს", ამ გუნდის რიგებში სასტარტო ხუთეულის ვერც ერთმა წევრმა ვერ გადალახა 10-ქულიანი ზღვარი, ხოლო დანკანი, ჯინობილი და ბლეირი მეოთხე მეოთხედში საერთოდ არ გამოჩენილან მოედანზე. მატჩის დასრულებამდე ცხრა წუთით ადრე მასპინძლების უპირატესობა 25 ქულა იყო და "მემფისმა" შინ ზედიზედ მეხუთე გამარჯვებას მიაღწია.</p><p>* * *</p><p>ოთხმატჩიანი მოგებათა სერიით შეხვდა "დალასთან" შეხვედრას "ფილადელფია", თუმცა ამ შეხვედრაში ფავორიტად სტუმარი "მავერიქსი" მიიჩნეოდა - ჯერერთი იმიტომ, რომ ტექსასელები ფანტასტიკურ ფორმაში შევიდნენ და ბოლო 18 მატჩში 17-ჯერ გაიმარჯვეს, თანაც "ფილადელფიას" შესაშური სტაბილურობთ ამარცხებენ. ამ გუნდების ბოლო ექვსი შეხვედრა სწორედ "დალასის" გამარჯვებით დასრულდა.</p><p>ამჯერადაც არავის შეუტანია ეჭვი ფავორიტის უპირატესობაში. სტუმრებს არც იმან შეუშალა ხელი, რომ მეორე მეოთხედის სტარტზე ფეხის ტრავმა მიიღო ძირითადმა ცენტრმა ტაისონ ჩენდლერმა (დაზიანების ხარისხი და აღდგენის ვადები ჯერჯერობით უცნობია, თუმცა თავად კალათბურთელმა თავის "ტვიტერზე" დაწერა, რომ სერიოზული არაფერია). დირკ ნოვიცკიმ თამაშიდან 15-ჯერ ისროლა და ცხრაჯერ ჩააგდო, ჯეისონ ტერიმ სეზონში შედეგიანობის პირადი რეკორდი გააუმჯობესა, ხოლო უბერებელმა ჯეისონ კიდმა კარიერაში 107-ე სამმაგი დუბლი შეასრულა, თანაც ბოლო ორი მოხსნა უკანასკნელ 25 წამში მოიხვეჭა.</p><p>* * *</p><p>მოიგო "სან ანტონიოს" კიდევ ერთმა კონკურენტმა, მოქმედმა ჩემპიონმა "ლეიკერსმა", თუმცა "მინესოტასთან" მატჩი კალიფორნიელებისთვის არც ისე იოლი ყოფილა. "მგლები" დიდ შესვენებამდე ფლობდნენ ინიციატივას. მართალია, ფარქვეშ ბრძოლა პირწმინდად წააგეს, მაგრამ მაინც მოახერხეს გასახდელში ხუთქულიანი უპირატესობით გასვლა - 45:40.</p><p>მეორე ტაიმში სტუმრებმა დაცვა გამოასწორეს (24 წუთში მხოლოდ 34 ქულა დააგროვებინეს მეტოქეს) და მიზანიც გაასწორეს. მესამე მეოთხედში კობი ბრაიანტმა შვიდიდან ხუთი ბურთი ჩააგდო და 12 წუთში 12 ქულა დააგროვა. მოხსნებზე შესანიშნავი იყო პაუ გასოლი, რომელსაც 17 მოხსნა დაუგროვდა, თუმცა თამაშიდან მხოლოდ 3 ბურთი (ათიდან) ჩააგდო. "ლეიკერსი" სწორედ მესამე მეოთხედში გავიდა პირველად წინ და საფინალო სირენამდე აღარ გაუშვია ხელიდან უპირატესობა. ჩემპიონმა მოიგო ტყორცნების რეალიზაციის ძალიან დაბალი პროცენტის მიუხედავად (თამაშიდან 37.5 პროცენტი, სამქულიანები - 33.3 პროცენტი). ცნობისთვის, "მინესოტას" ლიდერმა კევინ ლავმა ზედიზედ 47-ე ორმაგი დუბლი შეასრულა.</p><p>* * *</p><p>"ჰიუსტონმა" სატრანსფერო ფანჯრის ბოლო დღეს ორი კალათბურთელი გაუშვა, რომლებიც ფანებში პოპულარობით სარგებლობდნენ - შეინ ბეტიე და აარონ ბრუქსი. გულშემატკივრები გენერალური მენეჯერის დერილ მორის კრიტიკისთვის გაემზადნენ, მაგრამ გუნდმა თავისი თამაშით აიცილა თავიდან მრისხანება. "როკეტსმა" სტუმრად მოგებათა სერია 6 (!) მატჩამდე აიყვანა, როცა ჯერ "ნიუ ორლეანი" და გუშინ კი "პორტლენდი" დაამარცხა - გუნდები, რომლებიც ტრადიციულად ძლიერები არიან საკუთარ მოედანზე. "ბლეიზერსის" დამარცხება განსაკუთრებით შთამბეჭდავი იყო: სტუმრებმა ოთხივე მეოთხედი თავიანთ სასარგებლოდ დაასრულეს.</p><p><em><strong>ინდიანა-გ. სტეიტი 109:100</strong></em></p><p>29:19, 14:27, 37:25, 29:29</p><p>ი: გრეინჯერი (27+7 მოხსნა), ჰენსბრო (14+6 მოხსნა), კოლისონი (13), ჰიბერტი (12), ჯორჯი (12), ჯონსი (10).</p><p>გ-ს: უილიამსი (25), ლი (19+11 მოხსნა), ელისი (13).</p><p><em><strong>ორლანდო-ნიუ იორკი 116:110</strong></em></p><p>32:21, 15:37, 32:26, 37:26</p><p>ო: ჰოვარდი (30+16 მოხსნა+5 დაფარება), ნელსონი (26), ანდერსონი (16+5 მოხსნა), რედიკი (12), რიჩარდსონი (10+5 მოხსნა).</p><p>ნ-ი: ბილაპსი (30+6 მოხსნა+6 პასი), სტაუდმაიერი (30), ენტონი (25).</p><p><em><strong>ფილადელფია-დალასი 93:101</strong></em></p><p>22:23, 22:28, 33:28, 16:22</p><p>ფ: მიქსი (16), იგუოდალა (15+7 მოხსნა), ჰოლიდეი (14+7 მოხსნა+6 პასი), იანგი (13+7 მოხსნა), ბრენდი (12+6 მოხსნა).</p><p>დ: ტერი (30), ნოვიცკი (22+6 მოხსნა), კიდი (13+13 პასი+10 მოხსნა), მერიონი (10+10 მოხსნა).</p><p><em><strong>ტორონტო-ნიუ ორლეანი 96:90</strong></em></p><p>27:20, 30:22, 15:20, 24:28</p><p>ტ: კალდერონი (22+16 პასი+7 მოხსნა), დეროზანი (17), ბარნიანი (14), უიმსი (14), დ. ჯონსონი (13+5 მოხსნა), ა. ჯონსონი (8+10 მოხსნა+7 დაფარება).</p><p>ნ-ო: უესტი (19+10 მოხსნა), ლენდრი (17), ჯეკი (17), ბელინელი (13), არიზა (10).</p><p><em><strong>მილუოკი-დეტროიტი 92:90</strong></em></p><p>28:20, 23:28, 21:25, 20:15</p><p>მ: ჯენინგსი (21+5 მოხსნა), დელფინო (16+10 მოხსნა), სალმონსი (14), დულინგი (12), მაგეტი (11+5 მოხსნა).</p><p>დ: სტაკი (25+7 მოხსნა+5 პასი), მონრო (13+9 მოხსნა), ვილანუევა (12+9 მოხსნა), გორდონი (10+5 მოხსნა), ჰემილტონი (10).</p><p><em><strong>მინესოტა-ლეიკერსი 79:90</strong></em></p><p>21:18, 24:22, 16:25, 18:25</p><p>მ: ჯონსონი (20+8 მოხსნა), ბიზლი (14), ლავ (13+11 მოხსნა).</p><p>ლ: ბრაიანტი (24), ბინუმი (14+7 მოხსნა), გასოლი (12+17 მოხსნა), ოდომი (12+11 მოხსნა).</p><p><em><strong>მემფისი-სან ანტონიო 109:93</strong></em></p><p>32:30, 29:22, 22:15, 26:26</p><p>მ: რენდოლფი (21+10 მოხსნა+5 პასი), არტური (21+8 მოხსნა), ალენი (20), კონლი (18+9 პასი).</p><p>ს-ა: ნილი (14).</p><p><em><strong>პორტლენდი-ჰიუსტონი 87:103</strong></em></p><p>26:30, 16:23, 26:30, 19:20</p><p>პ: ბატუმი (22), უოლასი (14+10 მოხსნა), ოლდრიჯი (14+5 პასი), მილერი (13+6 პასი).</p><p>ჰ: ლოური (21+11 პასი), სკოლა (21+6 მოხსნა), მარტინი (20), ბადინგერი (14+5 მოხსნა), ლი (10).</p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!