სერია A-ს 36-ე ტურში „ნაპოლი“ საკუთარ მოედანზე „ბოლონიასთან“ 0:2 დამარცხდა.
დებიუტში მერეტის კარი თავურით ნდოიემ და პოშმა დალაშქრეს და სტუმრები 2:0 დაწინაურდნენ. მასპინძლებმა შეტევებით უპასუხეს, საჯარიმოში ოსიმენი წააქციეს, მაგრამ პოლიტანოს პენალტი მეკარე რავალიამ არ გაატანინა. შემდეგ კვარაცხელია, რომელმაც "უდინეზესთან" მატჩი ტრავმის გამო გამოტოვა, პოშმა წააქცია, რაც მსაჯმა თამაშის წესების დარღვევად არ მიიჩნია და პროტესტის ემოციურად გამოხატვისათვის ქართველს ყვითელი ბარათი უჩვენა. ბოლონიელები თავს უნარიანად იცავდნენ, მეტოქეს გასაქანს არ აძლევდნენ და პირველი ტაიმი 2:0 მოიგეს.
მეორე ტაიმი ნეაპოლური გუნდის იერიშებით დაიწყო, პოლიტანოს დარტყმული ბურთი რავალიამ მოიგერია, კონტრშეტევისას ორსოლინის გატანა მერეტმა არ დაანება. მერე დიდებული შანსი ოსიმენმა ვერ გამოიყენა. ხვიჩა 82-ე წუთზე სიმეონემ შეცვალა, მატჩი კი მოტას გუნდის დამსახურებული გამარჯვებით დასრულდა.
„ნაპოლი“ 51 ქულით ამ მომენტისთვის მერვე ადგილზეა და 17 მაისს, ბოლოსწინა ტურში ფლორენციაში „ფიორენტინას“ დაუპირისპირდება.
ნეაპოლი. „დიეგო მარადონა“
ნაპოლი - ბოლონია 0:2
გოლები: 0:1 ნდოიე (9), 0:2 პოში (12)
გამოუყენებელი პენალტი: პოლიტანო (22, ნაპოლი)
კვარაცხელიას მსურველები და "ნაპოლის" მიზანი - გავლენიანი და სანდო ჟურნალისტის ფაბრიციო რომანოს ინფორმაცია ხვიჩას მომავალზე
მატჩის დღე! სატრანსფერო ჭორ-მართალი კვარაცხელია/ოსიმენის ირგვლივ და შედეგიანობის მოლოდინი
![სერია A-ში მაისში საუკეთესოდ კვარაცხელიას გოლი დაასახელეს [VIDEO]](/pictures/image7/6adc6ec3baa53a6967b49e65ce176607.jpg "სერია A-ში მაისში საუკეთესოდ კვარაცხელიას გოლი დაასახელეს [VIDEO]")
![108 სტუმარი დაბადების დღეზე, მათ შორის, დე ლაურენტისი და სპალეტიც - ზელინსკი "ნაპოლის" გრანდიოზულად დაემშვიდობა [VIDEO]](/pictures/image7/00375036d1361718c3e37f7f6aafa1e6.png "108 სტუმარი დაბადების დღეზე, მათ შორის, დე ლაურენტისი და სპალეტიც - ზელინსკი \"ნაპოლის\" გრანდიოზულად დაემშვიდობა [VIDEO]")
