ავსტრიის ბუნდესლიგის ბოლო, 32-ე ტურში „შტურმმა“, რომელსაც ჩემპიონატის საუკეთესო ფეხბურთელად აღიარებული ოთარ კიტეიშვილი დისკვალიფიკაციის გამო ვერ დაეხმარა, საკუთარ მოედანზე კლაგენფურტის „აუსტრია“ 2:0 დაამარცხა და ჩემპიონი გახდა.
პარალელურ მატჩში „ზალცბურგმა“ სახლში ლასკ-ი 7:1 გაანადგურა და „შტურმი“ ჩემპიონი მხოლოდ გამარჯვების შემთხვევაში გახდებოდა. მასპინძლები განუწყვეტლივ უტევდნენ და 69-ე წუთზე მცველმა გრეგორი ვიუტრიხმა თავისი გუნდი დააწინაურა. რის შემდეგაც დაცვაში ჩადგნენ და მათი კარი ძელმა იხსნა. თუმცა შეცვლაზე შესულმა 18 წლის ამადი კამარამ ბოლოს მეტოქის კარი დალაშქრა და გრაცელებმა ქვეყნის პირველობაზე „ზალცბურგის“ ათწლიანი ჰეგემონია დაასრულეს.
„შტურმმა“
1999 წლის შემდეგ პირველად გაიფორმა ოქროს დუბლი.
კიტეიშვილმა ტურნირზე 25 მატჩში 9 გოლი გაიტანა და 5 საგოლე გადაცემა გააკეთა.
გრაცი. „მერკურ არენა“
შტურმი - აუსტრია (კ) 2:0
გოლები: 1:0 ვიუტრიხი (69), 2:0 კამარა (90)
ოთარ კიტეიშვილი ავსტრიის ბუნდესლიგის სეზონის საუკეთესო ფეხბურთელად დაასახელეს!
![კიტეიშვილმა დუბლით "შტურმს" ოქროს დუბლი ჯერ ვერ გაუფორმა [VIDEO]](/pictures/image7/f1f5b00b5577a7bee754a07047d3a7d8.jpg "კიტეიშვილმა დუბლით \"შტურმს\" ოქროს დუბლი ჯერ ვერ გაუფორმა [VIDEO]")
![კიტეიშვილმა დუბლი შეასრულა - "შტურმი" ჩემპიონობას უახლოვდება [VIDEO]](/pictures/image7/6bd99700b277c96ba4c422dfaada7382.jpg "კიტეიშვილმა დუბლი შეასრულა - \"შტურმი\" ჩემპიონობას უახლოვდება [VIDEO]")
![კიტეიშვილმა ისევ გაიტანა - "შტურმს" შეუძლია დღეს ჩემპიონი გახდეს [VIDEO]](/pictures/image7/e16acdd7319e4911baddacf82a9bd205.jpg "კიტეიშვილმა ისევ გაიტანა - \"შტურმს\" შეუძლია დღეს ჩემპიონი გახდეს [VIDEO]")
