საქართველოს ჩემპიონატში მეორე წრის წინ სატრანსფერო ბაზარი დღეს იხურება. ბევრმა კლუბმა ნაყოფიერად იმუშავა და შემადგენლობა ისეთი კალათბურთელებით შეივსო, როგორებიც სჭირდებოდათ. მათ შორის - "დინამომ", რომელიც მეორე წრეს სამი ახალწვეულით ხვდება.
- პოლონეთის ჩემპიონატიდან ჩამოვიყვანეთ ამერიკელი ცენტრი გარიკ შერმანი. სერბეთიდან დავიმატეთ უკანახაზელი მარკო პოპოვიჩი, ხოლო "მგზავრები-არმიიდან" - თემურ ბაბუნაშვილი, - გვითხრა "დინამოს" პრეზიდენტმა ვახტანგ ნაცვლიშვილმა და დასძინა:
- სამივე უკვე ჩვენთანაა და გუნდთან ერთად ვარჯიშობს. ისინი პარასკევს
"დინამოს" პრეზიდენტს სუპერლიგის მიმდინარე გათამაშებაში გუნდის მიზნებზეც ვკითხეთ. შეგახსენებთ, რომ დინამოელები მოქმედი ჩემპიონები არიან.
- ჩემპიონი გუნდის მთავარი ამოცანა ყოველთვის ტიტულის შენარჩუნება უნდა იყოს. გვაქვს სათანადო რესურსი მიზნის მისაღწევად, თუმცა ამ ეტაპზე ჩვენი პროგრამა-მინიმუმი ნახევარფინალში გასვლაა.
მაქვს ინფორმაცია სხვა გუნდებში მიმდინარე მოვლენებზე, ბევრი გაძლიერდა და დღესვე შემიძლია ვთქვა, ჩემპიონატის მეორე წრე კიდევ უფრო საინტერესო იქნება.
ყოველდღიური სპორტული გაზეთი "ლელო"
