უმცროსმა ბორჯღალოსნებმა, რომლებიც პოლონეთში გასამართი 18-წლამდელთა ევროპის ჩემპიონატისთვის ემზადებიან პირველი შეკრება 7 დეკემბერს, დასავლეთ საქართველოს 19-წლამდელთა სელექციასთან საკონტროლო მატჩით დაასრულეს.‘შევარდენის’ სანაკრებო ბაზის ხელოვნურსაფარიან მოედანზე ანგარიში პირობითად სტუმრებმა, დასავლეთმა გახსნა. 18-წლამდელებმა შესვენებამდე ანგარიში გაათანაბრეს, მეორე ტაიმის პირველივე წუთებიდან უპირატესობა მოიპოვეს და საბოლოოდ ლელოებით 6:2 იმარჯვეს. მიუხედავად ამისა, გუნდის მთავარი მწვრთნელი დავით ჩავლეიშვილი თამაშის ხარისხით უკმაყოფილო დარჩა:
„ამ თამაშმა დაგვანახა, რომ სამუშაო ძალიან ბევრი გვაქვს. იყო კარგი მომენტები, თუმცა დავალების მხოლოდ 20% შესრულდა. ბიჭები ჯერ ვერ არიან ისეთ ფორმაში, რომ დავალებები
საკონტროლო მატჩში შეკრებაზე მყოფი 40 მორაგბიდან თითქმის ყველამ ითამაშა. მოედანზე მხოლოდ ისინი ვერ გავიდნენ, ვისაც ტრავმები აწუხებს. მცირედი დასვენების შემდეგ, 18-წლამდელები ვარჯიშებს გააგრძელებენ და 21 იანვრიდან მეორე შეკრებაზე შევლენ.
„შემდეგი შეკრება 21-30 იანვარს გვექნება და იქ მოთამაშეთა რაოდენობა 36-მდე შემცირდება. კვირაში ოთხჯერ ვივარჯიშებთ და გვექნება ორმხრივი თამაშები. დღევანდელი მოცემულობით, შერკინების პირველ და მესამე ხაზში კარგი პირველი ნომრები გვყავს, გვიჭირს მეორე ხაზში, თუმცა ზემოთნახსენები თამაშებისას მოვახდენთ გადაჯგუფებას და მაქვს იმედი, რომ სასურველ შედეგს მივიღებთ. ხაზში კარგად გვაქვს საქმე და რეზერვიც ძალიან კარგია. ახლა მნიშვნელოვანია, რომ უცხოური შეკრებისას, რომელიც ევროპის ჩემპიონატის წინ გვექნება, რაც შეიძლება ძლიერ გუნდებს შევხვდეთ. მე მირჩევნია ეს თამაშები წავაგოთ და დავინახოთ სად გვიჭირს, რათა ოფიციალური ტურნირის ფინალში, სადაც სავარაუდოდ საფრანგეთთან მოგვიწევს თამაში, მეტის მიღწევა შევძლოთ, ვიდრე გასულ წლებში“ - ამბობს ჩავლეიშვილი.
შეკრებაზე იმყოფებოდნენ: ნიკა სომხიშვილი (არმია), გიორგი ქიმუცაძე (აია), დავით აბდუშელიშვილი (ლელო-სარასენსი), გიორგი ვარდოსანიძე (ხვამლი), საბა კურატიშვილი (არმაზი), ვანო კარკაძე (აია), ლუკა პეტრიაშვილი (ხვამლი), ლუკა ჭელიძე (ლელო-სარასენსი), ნიკა ფიროსმანიშვილი (თბილისი), ირაკლი პურიჭამიაშვილი (ხარები), ვლადიმერ ჩაჩანიძე (ლელო-სარასენსი), ლუკა მაჭარაშვილი (არმაზი), დავით გვიდიანი (აია), ლუკა მუჩიაშვილი (ვეფხვები), იოანე იაშაღაშვილი (იუნკერები), ვაჟა მაისურაძე (ლელო-სარასენსი), ლუკა კოხია (აია), ნიკა ღამბაშიძე (ლელო-სარასენსი), გიგა კობახიძე (ბაგრატი), გიგი ლეშკაშელი (ბაგრატი), საბა კურტანიძე (ხვამლი), მიხეილ ალანია (ჯიქი), გიორგი მარგალიტაძე (ლელო-სარასენსი), ფრიდონ წიკლაური (ხვამლი), დავით გობეჯიშვილი (აია), ნიკა ცინცაძე (ხვამლი), დაჩი პაპუნაშვილი (არმია), ლაშა ლომიძე (აია), დემე თაფლაძე (ლელო-სარასენსი), ირაკლი სიმსივე (აია), ბართლომე კალაძე (იუნკერები), სანდრო დვალი (ლოკომოტივი), ზუკა მინდიაშვილი (აკადემია), ოთარ ლაშხი (ჩოხოსნები), ზურა ქავთარაძე (ხარები), გოჩა ჩანადირი (არმაზი), გიორგი მიქანაძე (არმია), დავით გასვიანი (აია), თეიმურაზ ჭიჭინაძე (ჯიქი), დავით ცაგარეიშვილი (ლელო-სარასენსი).
მთავარი მწვრთნელი: დავით ჩავლეიშვილი
მწვრთნელები: მიხეილ სუჯაშვილი, ლევან შარვაშიძე
ფიზ. მწვრთნელები: გიორგი მაისურაძე, გივი ნადარეიშვილი
ექიმი: სერგო ბერიაშვილი
მასაჟისტი: გიორგი სვანიძე
მენეჯერი: პაატა მაისურაძე
მომზადებულია rugby.ge-ს მიხედვით
