გავლენიანი იტალიური გამოცემა Corriere dello Sport-ი ამტკიცებს, რომ "ნაპოლიმ" კვარაცხელიას სატრანსფერო ფასი შეათანხმა და ის 8 მილიონ ევროს შეადგენს. წყაროს ცნობით, ჩვენებური სერია A-ს ერთ-ერთ ლიდერ გუნდში ზაფხულის სატრანსფერო ფანჯრის პერიოდში ჩაირიცხება და ხელს 5-წლიან კონტრაქტს მოაწერს.
როგორც იცით, ხვიჩა ამჟამად ბათუმის "დინამოს" ღირსებას იცავს, სეზონი კი მან ყაზანის "რუბინში" დაიწყო. მას ეროვნული ლიგის ჩემპიონ გუნდთან 2-წლიანი კონტრაქტი აკავშირებს და როგორც "დინამოს" პრეზიდენტმა არჩილ ბერიძემ განაცხადა, კვარაცხელია კლუბს ევროთასებზე აუცილებლად დაეხმარება.
