„ჯვაროსნების“ მწვრთნელმა სანიოლმა ექსპერიმენტული სასტარტო შემადგენლობა დააყენა, რომელმაც თავიდანვე შეუტია და კობახიძის თავით დარტყმული ბურთი ოდნავ ასცდა მიზანს. მე-15 წუთზე ჩაკვეტაძეს გატანა მეკარემ არ დაანება, მაგრამ დამატებაზე ყველას ვოლკოვმა დაასწრო და ჩვენი გუნდი დააწინაურა. შემდეგ ვოლკოვმა ბურთი ძელს გაარტყა, ჩაკვეტაძემ კარგი შანსი ვერ გამოიყენა და მეტოქემ კონტრიერიშისას მეკარისა და ცენტრალური მცველების შეცდომით ისარგებლა და ანგარიში გაათანაბრა. მე-40 წუთზე გოჩოლეიშვილი საჯარიმოში მცველმა წააქცია, მსაჯმა პენალტი დანიშნა, თუმცა ჩაკვეტაძის დარტყმული ბურთი მეკარემ მოიგერია და პირველი ტაიმი ფრედ დასრულდა.
შესვენებაზე სანიოლმა ტრავმირებული ლორია გუგეშაშვილით, ხოლო აბურჯანია კვეკვესკირით შეცვალა. თამაშის სურათი არ შეიცვალა, მასპინძლები სრულ უპირატესობას ფლობდნენ და ორ წუთში ჩაკვეტაძემ დუბლი შეასრულა. საქართველოს ნაკრებმა მოწინააღმდეგეზე ზეწოლა გააძლიერა, შეცვლაზე შესულმა დავითაშვილმა ლობჟანიძე მეკარეს პირისპირ შეჰყარა და მან მონღოლთა კარი დალაშქრა. ბოლოს ბერიძემ და ზივზივაზემ გაიტანეს და საქართველოს ეროვნულმა გუნდმა დამაჯერებელი გამარჯვება მოიპოვა.
ძნელია ვიზავის კლასის გათვალისწინებით რაიმე დასკვნების გამოტანა, მაგრამ, ალბათ, სანიოლმა ხარვეზები დაინახა და ისიც, ვინ როგორ ფორმაშია და ვისი იმედი შეიძლება ჰქონდეს.
28 მარტს ამავე სტადიონზე საქართველოს ნაკრები ევროპის ჩემპიონატის საკვალიფიკაციო ეტაპის პირველ მატჩში ნორვეგიას უმასპინძლებს.
ბათუმი. „აჭარაბეთ არენა“
საქართველო - მონღოლეთი 6:1
გოლები: 1:0 ვოლკოვი (15), 1:1 ბალჯინიამი (31), 2:1 ჩაკვეტაძე (56), 3:1 ჩაკვეტაძე (57), 4:1 ლობჟანიძე (70), 5:1 ბერიძე (88), 6:1 ზივზივაძე (90+1)
გამოუყენებელი პენალტი: ჩაკვეტაძე (40)
საქართველო: ლორია (გუგეშაშვილი 46), კობახიძე, დვალი, საზონოვი, გოჩოლეიშვილი, აბურჯანია (კვეკვესკირი 46), გაგნიძე (ზივზივაძე 64), წიტაიშვილი (სიგუა 64), ლობჟანიძე, ჩაკვეტაძე (დავითაშვილი 64), ვოლკოვი (ბერიძე 71)
ყოჩაღ ბიჭებო და მადლობა რომ გაგვახარეთ.
არასაფეხბურთო ქვეყნებისთვის "გრანდი" ვართ უკვე.
ლორია პენსიაზე.
გაგნიძესნაირი მოთამაშე გვაკლდა ცენტრში და აჰა,თან ეტყობა,რომ დიდი რესურსი აქვს.
გოჩოლეიშვილი კარგია
საზანა გაგვაძლიერებს.
გაგნიძემ აჩვენა, რომ ძალიან ახლოსაა ნაკრების ძირითადთან, მოედნის ცენტრში.
გოჩოლეიშვილის მეორე თამაში იყო და დღეს ბევრად კარგი იყო, ვიდრე პირველში. ისე კი მისი ადგილი მარჯვენა ფლანგია.
ლობჟანიძე ძალიან უფანტაზიოა, მაგრამ ბუდუზე პასი კარგი იყო დღეს.
დავითაშვილი დასრულებით ფაზაში ძალიან სუსტია, მანამდე კარგია, ბურთი კარგად ამოაქვს, მაგრამ შესრულებაზე კლასი აღარ ჰქოფნის.
საზონოვი სოლიდური იყო. წიტაიშვილიც არ იყო ცუდი, მიუხედავად იმისა, რომ კლუბში სათამაშო დრო თითქმის არ აქვს.
გოჩოლეიშვილი კარგი იყო, გაგნიძეს და წიტაიშვილს არა უშავდათ.
სიგუამ რომ "მორიდებით" არ ითამაშოს (თუმცა, ჯერ ახალგაზრდაა და პირველი თამაში იყო ნაკრებში) მემგონი კარგ ფეხბურთს ითამაშებს.
ჩაკვეტაძე იბრუნებს თავის თამაშს, ერთ მომენტში ის ჩაკვე იყო როგორც ადრე, და შეიძლება უფრო ძლიერიც კი ჩანდა. ნეტავ ტრავმა არ მიიღოს რა.
სხვები ისეთები იყვნენ როგორსაც მათგან ელოდები.
28-ში გამოჩნდება რა შეგვიძლია ძლიერ გუნდებთან!
წარმატებები ბიჭებს!