გიორგი ნავალოვსკი მინსკის "დინამოში" ჩაირიცხა

საქართველოს ნაკრების მცველმა გიორგი ნავალოვსკიმ მინსკის "დინამოსთან" გააფორმა კონტრაქტი.

გიორგი ხაბაროვსკის სკა-დან 15 მაისს აიბარგა და თავისუფალი აგენტი იყო. მან გასულ სეზონში რუსეთის პრემიერლიგის 22 მატჩში მიიღო მონაწილეობა.

"ჩვენს გუნდში ის 88-ნომრიანი მაისურით ითამაშებს. კეთილი იყოს შენი მობრძანება. გამარჯობა!", - ასე მიესალმა ახალი კლუბი ნავალოვსკის.

"დინამო" 16 ტურის შემდეგ 37 ქულით ბელარუსის ჩემპიონატზე მე-2 ადგილზეა და ლიდერ "ბატეს" ფეხდაფეხ მისდევს.

ეს გუნდი ევროპა ლიგის მეორე ეტაპზე იმ "დუნაისკა სტრედას" ხვდება, რომელმაც გათამაშებიდან თბილისის "დინამო" გამოაგდო.

გიორგი ნავალოვსკიმ ხაბაროვსკის სკა დატოვა