ბელგიურმა walfoot.be-მ ჩემპიონატის მე-12 ტურში "შარლერუასთან" მატჩში დუბლით თავგამოჩენილი "გენტის" ნახევარმცველი გიორგი ჩაკვეტაძე აქო და ადიდა.
"რა თამაშები გადაარჩინა! ქართველი ტალანტის დამსახურებით ახალმა მწვრთნელმა იეს ტორუპმა დანაპირების შესრულება და სიამოვნების მიღება დაიწყო. ჯერ კიდევ გასულ სეზონში დავრწმუნდით, რომ ის რაღაც განსაკუთრებულია. ახალგზრდა ქართველი გრძნობს ბურთს, წარმართავს თამაშს და როდესაც უტევს, შეგრძნება გაქვს, რომ ყველაფერი შეუძლია გააკეთოს.
2018/2019 წლების სეზონი მისი იქნება.
"ოსტენდესთან" ფანტასტიკურად ასპარეზობის და გატანილი გოლის შემდეგ, მან "შარლერუასთან" იცეკვა. ის დაცვასაც ეხმრებოდა, ეძებდა თავისუფალ ზონებს, ორი მომაკვდინებელი გოლი
გაიტანა. თამაშის სტილით ჩაკვეტაძე მძლავრ ედენ აზარს ჰგავს".
აი, რა თქვა ნამატჩევს "შარლერუას" თავკაცმა ფელიჩე მაზიმ:"მისი სახით ჩვენს მეტოქეს მოედანზე ძალიან დიდი მოთამაშე ჰყავდა. მან ძლიერი დარტყმა მოგვაყენა და არამარტო გატანილი გოლებით, არამედ თამაშითაც".
"ახლა პატარა პრინცმა "გელამკო არენიდან" კვლავ უნდა დაგვარწმუნოს, რომ დიადი ტალანტია და სეზონის საუკეთესო ფეხბურთელი შეუძლია გახდეს", - ასკვნის გამოცემა.
nieuwsblad.be: "გენტმა" ჩაკვეტაძის ჰიტებით გაიმარჯვა
ჩაკვეტაძეს ვეღარ აჩერებენ - "შარლერუასთან" დუბლი შეასრულა [VIDEO] 
გიორგი ჩაკვეტაძის მომენტები "ოსტენდესთან" მატჩში [VIDEO]
![ჩაკვეტაძის "უოტფორდმა" "ბარნლისთან" მარცხი განიცადა [VIDEO]](/pictures/image7/59344f6e743315672cc5c042a240cbea.jpeg "ჩაკვეტაძის \"უოტფორდმა\" \"ბარნლისთან\" მარცხი განიცადა [VIDEO]")
!["უოტფორდის" გამარჯვება და ჩაკვეტაძის მაღალი შეფასებები [VIDEO]](/pictures/image7/5d38583265f3ee89d12e48417463bb95.jpg "\"უოტფორდის\" გამარჯვება და ჩაკვეტაძის მაღალი შეფასებები [VIDEO]")
