გუშინ ესპანური "სპორტის" მიერ გავრცელებულ ინფორმაციას, რომლის მიხედვითაც, საქართველოსა და ანდორის მატჩს "ბარსელონას" სკაუტები გიორგი ჩაკვეტაძეზე დასაკვირვებლად დაესწრებიან, სხვა გავლენიანი სპორტული სააგენტოებიც გამოეხმაურნენ.
მსოფლიოს ერთ-ერთ ყველაზე სანდო სპორტულ პორტალ ESPN-ზე ვკითხულობთ:
"ბარსელონა" დიდ ყურადღებას იჩენს 19 წლის ქართველი შემტევის, გიორგი ჩაკვეტაძის მიმართ, რომელმაც დიდი პროგრესი განიცადა და ბელგიაში, "გენტის" რიგებში შესანიშნავი სეზონი აქვს".
დღეს, თბილისის დროით 23:45 საათზე ანდორა საქართველოს ნაკრებს მიიღებს. გავრცელებული ინფორმაციით, კატალონიური კლუბის სკაუტები შეხვედრას გიორგი ჩაკვეტაძეზე დასაკვირვებლად დაესწრებიან.