საქართველოს ნაკრების მცველი ლაშა დვალი უნგრული "ფერენცვაროშის" ფეხბურთელი ოფიციალურად გახდა.ამის შესახებ ინფორმაციას უნგრული კლუბის ოფიციალური ვებგვერდი ავრცელებს.
სამწუხაროდ, უცნობია, რამდენწლიანი კონტრაქტი გააფორმა დვალმა ახალ კლუბთან.
ახალგაზრდა მცველმა უკვე მოასწრო გუნდთან ერთად ბელეკში შეკრებაზე ვარჯიში.
![Sportall.Ge](/pictures/artimages/original/658bbbe4ed7babe44966f5b54e127cbb.jpg "მე-6 ქვეყანა! - ლაშა დვალი "ფერენცვაროში" ფეხბურთელი გახდა")
radioszczecin.pl-ის ინფორმაციით, დვალის სანაცვლოდ "ფერენცვაროშმა" პოლონურ "პოგონს" ნახევარი მლნ ევრო გადაუხადა. ხოლო აქედან 15 პროცენტი "ვროცლამ" უნდა მიიღოს, საიდანაც თავის დროზე დვალი "პოგონში" გადავიდა.
რაც შეეხება უნგრულ კლუბს, ის ადგილობრივ ჩემპიონატში 18 ტურის შემდეგ 39 ქულით პირველ ადგილზე იმყოფება და მეორეადგილოსან "მოლ ვიდს" 5 ქულით
ლაშა დვალმა პოლონეთში 14 მატჩი ჩაატარა, აქედან ერთი თასზე და ერთი გოლის გატანაც მოახერხა. საერთო ჯამში, დვალმა 2.5 სეზონის განმავლობაში პოლონეთში 80-ზე მეტი მატჩი ჩაატარა.
დვალმა ასევე საქართველოს ნაკრების მაისურით ერთა ლიგის ორ მატჩში მიიღო მონაწილეობა, ხოლო მისი დებიუტი 2015 წელს გერმანიის ნაკრებთან, ევროპის ჩემპიონატის შესარჩევი ეტაპის მატჩში შედგა.
აღსანიშნავია, რომ 23 წლის ასაკში ლაშამ უკვე მოასწრო საქართველოში, ლატვიაში, გერმანიაში, ყაზახეთში, თურქეთსა და პოლონეთში თამაში. უნგრეთი მისთვის რიგით მე-6 ქვეყანა იქნება.
მალე გვენახოს ლიგაზე ...