ლეგიონის უქმეები: 7 ქართული გოლი სანაკრებო პაუზის შემდეგ [VIDEO]

სანაკრებო პაუზის შემდეგ გასულ უქმეებზე 7 ქართული გოლი გავიდა. აქედან მხოლოდ ერთია ეროვნული ნაკრების წევრზე - საბა ლობჟანიძემ დანიის ჩემპიონატში მეექვსე გოლი შეაგდო...

წარმოგიდგენთ ქართველი ლეგიონერების მიმოხილვას.

იტალია
სერია A-ში ლევან მჭედლიძის "ემპოლიმ" სტუმრად "იუვენტუსთან" 0:1 წააგო. მჭედლიძემ მატჩი ტრავმის გამო გამოტოვა.

ესპანეთი
ლა ლიგა 2-ში გიორგი აბურჯანიას "ლუგო" სტუმრად "ალკორკონს" დაუზავდა - 0:0. ქართველმა ნახევარმცველმა შეუცვლელად ითამაშა.

გერმანია
II ბუნდესლიგაში გიორგი ლორიას "მაგდებურგი" შინ "ჰაიდენჰაიმს" დაუზავდა - 0:0. ლორიამ კარი "მშრალად" შეინახა.

III ლიგაში ლუკას ჰუფნაგელის (90 წუთი, გააფრთხილეს)

"უნტერჰახინგი" შინ "ჰალეშერს" დაუზავდა - 0:0.

საფრანგეთი
ლიგა 2-ში ჯაბა ჯიღაურის "გრენობლი" სტუმრად "ტრუასთან" 1:2 დამარცხდა. ჯიღაური განაცხადში არ ყოფილა.

პორტუგალია
მადეირულ დერბიში ქართველთა "ნასიონალი" სტუმრად "მარიტიმუსთან" დამარცხდა - 2:3. ავთო ებრალიძე ტრავმირებულია, გიორგი არაბიძე განაცხადში არ ყოფილა.

ბელგია
საჩემპიონო ჯგუფში "გენტმა" სტუმრად "ბრიუგესთან" მძიმე მარცხი განიცადა - 0:3. გიორგი ქვილითაია სათადარიგო იყო, გიორგი ჩაკვეტაძე ტრავმირებულია.

პროქსიმუს ლიგაში ირაკლი ბუღრიძის (სათადარიგო) "ბეერსხოტი" "ვესტერლოს" ესტუმრა და 1:1 ითამაშა. ქართველ შემტევს დებიუტი ჰქონდა - ის თამაშში მე-80 წუთიდან ჩაერთო.

შვეიცარია
სუპერლიგაში ოთარ კაკაბაძის (სათადარიგო) "ლუცერნი" შინ 0:1 დამარცხდა "ბაზელთან". ლევან ხარაბაძის (90 წუთი) "ციურიხი" კი სტუმრად ამავე ანგარიშით "სიონთან" დამარცხდა.

ავსტრია
ოთარ კიტეიშვილის "შტურმი" შინ "ზანკტ პოლტენთან" დამარცხდა - 0:1. კიტეიშვილი 59-ე წუთზე გამოცვალეს.

ერსტე ლიგაში ლევან ელოშვილის (52-ე წუთზე შევიდა) "კაპფენბერგი" შინ 0:3 დამარცხდა "ლიფერინგთან".

დანია

საჩემპიონო ჯგუფში ლაშა პარუნაშვილის "ესბიერგი" სტუმრად "კოპენჰაგენთან" დამარცხდა - 0:1. ქართველი ნახევარმცველი დისკვალიფიცირებული იყო.

ქვედა ჯგუფში საბა ლობჟანიძის "რანდერსმა" სტუმრად "ოლბორგს" მოუგო - 2:1. საბამ მეორე ტაიმის დასაწყისში გოლი გაიტანა - ის მარცხენა ფლანგიდან შეიჭრა საჯარიმოში და შესანიშნავი გოლი გაიტანა. ქართველმა შეუცვლელად ითამაშა. ეს მისი მე-6 გოლია ჩემპიონატში.

პოლონეთი

ექსტრაკლასაში გიორგი მერებაშვილის "პლოცკი" შინ 0:1 დამარცხდა "ზაგლებიესთან". ქართველი ლეგიონერი 72-ე წუთზე შევიდა.

ვაკო გვილიას "გურნიკი" შინ "კრაკოვიასთან" 0:1 დამარცხდა. გვილიამ შეუცვლელად ითამაშა და ის გააფრთხილეს.

ქართველთა "სოსნოვიეცმა" სტუმრად "ლეგნიცას" 2:0 მოუგო. მე-18 წუთზე გიორგი გაბედავამ ახლო მანძილიდან გაიტანა პირველი გოლი პოლონეთის ჩემპიონატში. გაბედავა 77-ე წუთზე გამოცვალეს. 97-ე წუთზე გიორგი ივანიშვილიც გამოჩნდა.

ლუკა ზარანდიას (ავად იყო) "არკა" შინ 0:2 დამარცხდა "შლიონსკთან". ვატო არველაძის (90 წუთი, გააფრთხილეს) "კორონა" შინ "ლეხს" დაუზავდა - 0:0.

I დივიზიონში გუგა ფალავანდიშვილის "პოდბესკიძიე" სტუმრად 0:3 დამარცხდა ლკს-სთან. ქართველმა შეუცვლელად ითამაშა.

ჩეხეთი
I ლიგაში ვახტანგ ჭანტურიშვილის (64-ე წუთზე შევიდა) "ზლინმა" შინ 0:2 დათმო "სიგმასთან".

შვედეთი
I ტურში გიორგი ხარაიშვილის "გეტებორგი" სტუმრად "ესკილსტუნასთან" დამარცხდა - 1:3. ხარაიშვილმა შეუცვლელად ითამაშა.

უნგრეთი

OTP ლიგაში ტრავმირებული ზაქარია ბეგლარიშვილის "ჰონვედი" სტუმრად "მეზოკოვეშდთან" დამარცხდა - 1:3.

ბაჩანა არაბულის (62-ე წუთზე შემოვიდა) "პუშკაშ აკადემია" სტუმრად "ჰალადაშთან" განადგურდა - 0:3.

გამარჯვებულთა რიგებში შეუცვლელად ითამაშა ბუბა დაუშვილმა (გააფრთხილეს).

ლაშა დვალმა მოასწრო გამოჯანმრთელება და "ფერენცვაროშის" რიგებში შეუცვლელად ითამაშა. მისმა გუნდმა სტუმრად "კიშვარდას" მოუგო - 1:0. გიორგი ბერიძის "უიპეშტმა" სტუმრად 2:0 მოუგო "პაკშს". ქართველი ნახევარმცველი სათადარიგო იყო.

ხორვატია
გიორგი მჭედლიშვილის "გორიცა" სტუმრად 2:2 დაუზავდა "ოსიეკს". მჭედლიშვილი მოედანზე 94-ე წუთზე შევიდა.

საბერძნეთი
სუპერლიგაში გიორგი რეხვიაშვილის (90 წუთი) "ლევადიაკოსი" შინ ლაშა შერგელაშვილის (90 წუთი) "იანინასთან" დამარცხდა - 0:2.

კვიპროსი
ირაკლი მაისურაძის (90 წუთი) "პარალიმნი" შინ "პაფოსთან" 1:2 დამარცხდა.

ალბანეთი
ირაკლი ძარიას "კუკესი" შინ 1:1 დაუზავდა "პარტიზანს".

მალტა
გეგი კეკუას (75-ე წუთზე შევიდა) "პიეტა" სტუმრად "გზირასთან" 2:5 დამარცხდა.

რუსეთი

ჯანო ანანიძის "კრილია სოვეტოვი" 2019 წელს პირველად დამარცხდა, სამარაში 0:1 წააგო ტულის "არსენალთან". წაგებულთა რიგებში 74-ე წუთამდე ითამაშა ანანიძემ (5.5 ბალი "ჩემპიონატისგან"), ხოლო გამარჯვებულებში გია გრიგალავამ შეუცვლელად ითამაშა (6 ბალი "ჩემპიონატისგან"). სწორედ გრიგალავამ დაიწყო საგოლე კომბინაცია.

მოსკოვის დერბიში ქართველთა "ლოკომოტივმა" სტუმრად "დინამო" დაამარცხა - 1:0. საბა კვირკველიამ შეუცვლელად ითამაშა, ხოლო ხვიჩა კვარაცხელია 54-ე წუთზე შევიდა. კვირკველიას "ჩემპიონატმა" 7 ბალი დაუწერა, კვარაცხელიას - 6.5.

ნაკრებში ტრავმირებული ჯიმი ტაბიძის გარეშე მოთამაშე "უფა" სტუმრად ცსკა-ს დაუზავდა - 2:2.

I დივიზიონში ირაკლი კვეკვესკირის (90 წუთი) "სკა ხაბაროვსკმა" შინ 1:0 მოუგო "კურსკს".

ბელორუსი

ვისშაია ლიგაში აკაკი ხუბუტიას (90 წუთი) "ვიტებსკი" სტუმრად 0:0 დაუზავდა "მინსკს".

გიორგი ქანთარიას "ნემანმა" სტუმრად 3:2 მოუგო "გომელს". 23-ე წუთზე ქანთარიამ 2:0 გახადა, თუმცა 45-ე წუთზე ამას მისივე ავტოგოლი მოჰყვა. მეორე ტაიმში ქართველმა ყვითელი ბარათი მიიღო.

ლიეტუვა

ლევან მაჭარაშვილის "შტუმბრასმა" შინ 2:0 მოუგო "სუდოვას" - ჩვენებური პირველ ტაიმში გააფრთხილეს, მეორეში მან 78-ე წუთზე გოლი გაიტანა, ხოლო 92-ე წუთზე გამოცვალეს. 4 ტურში მაჭარაშვილმა მეორე გოლი გაიტანა.

ლატვია

ვირშლიგაში ბექა ვაჩიბერაძის (76-ე წუთზე შევიდა) "რიგასმა" 2:1 მოუგო ირაკლი ბიძინაშვილის (70-ე წუთზე შეცვალეს) "იელგავას".

მათე ვაწაძის (55-ე წუთზე შევიდა) "ლიეპაია" შინ "სპარტაკსთან" დამარცხდა - 0:1.

დავით სხირტლაძის (სათადარიგო) "რიგა" შინ "ვალმიერასთან" დამარცხდა - 0:1.

აზერბაიჯანი
თამაზ ცეცხლაძის (სათადარიგო) "საბაილმა" სტუმრად "ზირას" 2:1 მოუგო.

ყაზახეთი

ქართველთა "თარაზმა" "ატირაუს" 2:0 მოუგო - 71-ე წუთზე ელგუჯა ლობჯანიძემ გაიტანა მასპინძელთა პირველი გოლი. მან შეუცვლელად ითამაშა, როგორც კაპიტანმა ლაშა კასრაძემ.

ქართველთა "ტობოლმა" სტუმრად 1:0 მოუგო ყარაღანდის "შახტიორს". ჯაბა კანკავა ჯერ კიდევ მე-4 წუთზე გააფრთხილეს, თუმცა მან მატჩი ჩაამთავრა. ნიკა კვეკვესკირმაც შეუცვლელად ითამაშა.

კახა ცხადაძის "ორდაბასი" სტუმრად "ოკჟეტპესს" დაუზავდა - 0:0. ქართველი მწვრთნელის გუნდმა ჩემპიონატში პირველად დაკარგა ქულები.

უზბეკეთი

ქართველთა "ყიზილკუმმა" შინ აგმკ-ს 3:1 მოუგო. ელგუჯა გრიგალაშვილმა დუბლი შეასრულა, ხოლო გიორგი კვესიეშვილს არ უთამაშია.

შოთა არველაძის "ფახთაქორმა" სტუმრად "ბუნიოდკორი" დაამარცხა.

კახა მახარაძის (90 წუთი) "სოგდიანა" სტუმრად "ნასაფთან" დამარცხდა - 1:3.

აშშ
MLS-ში ქართველთა "სან ხოსე" კალიფორნიის დერბიში შინ 0:5 განადგურდა "ლოს ანჯელესთან". ვაკო ყაზაიშვილმა პირველი ტაიმი ითამაშა, გურამ კაშიამ მოედანზე 90 წუთი გაატარა.