6 აგვისტოს, ჩემპიონთა ლიგის მესამე საკვალიფიკაციო ეტაპის პირველი მატჩი ზაგრებში "დინამოსა" და ლაშა დვალის "ფერენცვაროშს" შორის 1:1 დასრულდა.
"დინამო", რომელმაც წინა წრეში "საბურთალო" გამოაგდო, დებიუტში დანიელ ოლმოს გატანილი გოლით დაწინაურდა, მეორე ტაიმში კი დავიდ ზიგერმა საპასუხო გოლი გაიტანა და უნგრულმა გუნდმა სასურველ ფრეს მიაღწია.
დვალმა კვლავ შეუცვლელად და უშეცდომოდ ითამაშა.
თამაშს 37 168-ადგილიან "მაკსიმირზე" 14 383 მაყურებელი დაესწრო და ნამტჩევს "ფერენცვაროშის" მწვრთნელმა სერგეი რებროვმა კომენტარი გააკეთა:
"გაშვებულმა სწრაფმა გოლმა არ დაგვაბნია, თუმცა მეტოქისგან ამის შემდეგ უფრო მძლავრ ზეწოლას ველოდი, გასვლაზე
გოლი გავიტანეთ, ფრეს მივაღწიეთ და შემდეგ ეტაპზე გასვლის კარგი შანსი გვაქვს. ეს მშვენიერი შედეგია. ნახეთ ერთი, ჩვენი მოწინააღმდეგის ფეხბურთელების სატრანსფერო ფასები".
ამ გუნდების საპასუხო შეხვედრა 13 აგვისტოს ბუდაპეშტში გაიმართება.
