კვირკველია ყოფილი სსრკ-ის ყველაზე ძვირად ღირებულ მცველთა ხუთეულში

sportclub-მა, transfermarkt-ის მიხედვით, პოსტსაბჭოთა სივრცის 5 ყველაზე ძვირად ღირებული მცველის სია შეადგინა და მათ შორის საქართველოს ნაკრებისა და მოსკოვის "ლოკომოტივის" მცველი საბა კვირკველია მე-4 ადგილზეა.

"ფეხბურთი მუდმივად იცვლება. ამის ერთ-ერთი ნათელი დადასტურება ეს ხუთეულია. ისინი თავიანთი სატრანსფერო ღირებულებით მნიშვნელოვნად აღემატებიან ყოფილი საბჭოთა კავშირის ყველაზე ძვირფას თავდამსხმელებს. აგრეთვე, შეუძლიათ ტოლ-სწორად კონკურენცია გაუწიონ ნახევარმცველებს.

ტოპ-ში მოხვედრილი ერთადერთი ფეხბურთელია, რომელიც ყოფილი სსრკ-ის ორ მთავარ ნაკრებს არ წარმოადგენს. ქართველმა თითქმის მთელი კარიერა რუსეთის პრემიერლიგაში გაატარა, თავი "რუბინსა" და "ლოკომოტივში" წარმოაჩინა. ამ სეზონში კვირკველია "რკინიგზელთა" მთავარი მჭიდიდან ამოვარდა, თუმცა უკანასკნელ წლებში კონკურენტებიც მოუმრავლდა. ჭორების თანახმად, "ლოკო" წინააღმდეგი არ არის, 28 წლის ცენტრბეკის გაყიდვით ფული გამოიმუშაოს, ეს გადაწყვეტილება კი მცდარად მოჩანს".

აღნიშნული ხუთეული ასეთია:

1. მარიო ფერნანდესი (ცსკა, რუსეთი) და ოლეკსანდრ ზინჩენკო (მანჩესტერ სიტი, უკრაინა) - 24 მლნ.
2. ვიტალი მიკოლენკო (კიევის დინამო, უკრაინა) - 9 მლნ.
3. იაროსლავ რაკიცკი (ზენიტი, უკრაინა) და გიორგი ჯიქია (სპარტაკი, რუსეთი) - 8 მლნ.
4. საბა კვერკველია (ლოკომოტივი, საქართველო) - 6,5 მლნ.
5. ვიაჩესლავ კარავაევი (ზენიტი, რუსეთი) - 5,5 მლნ.

კვირკველია ამხანაგურ მატჩში შეცვლაზე შეუშვეს