"კვირკველიას, ჯანმრთელობის მდგომარეობის გარდა, სხვა ტიპის პრობლემებიც აქვს" - რუსული გამოხმაურებები

საქართველოს ნაკრების მცველ საბა კვირკველიას არაბთა გაერთიანებულ საემიროებში შესაძლო ტრანსფერს რუსულმა მედიამ საკმაოდ დიდი ყურადღება დაუთმო.

fclmnews-ის სტატიის ქვეშ რუსმა გულშემატკივრებმა არაერთი კომენტარი დაწერეს. მათი დიდი ნაწილი გულდაწყვეტილია, თუმცა რამდენიმე ირონიულ ნათქვამსაც ამოიკითხავთ:

"ვერ ვიჯერებ მის სტაგნაციას. ფეხბურთელი ერთ დღესაც წყვეტს კარგ თამაშს, როცა მასზე ტოპ-5 ჩემპიონატის კლუბები აცხადებდნენ პრეტენზიას და აქამდე ეშვება. სამწუხაროა, რომ საბას საკუთარი თავის მიმართ სხვა მოთხოვნები არ აქვს."

"ეს ყველაფერი ძალიან უცნაურია. გასაგებია, რომ მას დიდი ხანი გაუცდა, მაგრამ ყველა საფეხბურთო უნარი როგორ უნდა დაკარგო?!"

"კვირკველიას, ჯანმრთელობის მდგომარეობის გარდა, სხვა ტიპის პრობლემებიც აქვს. მას ბრძოლის სურვილიც აღარ გააჩნია."

"არაბთა გაერთიანებული საემიროები პატარა სახელმწიფოა ევროპის ცენტრში, საფრანგეთსა და გერმანიას შორის?!"

"სამწუხაროა, მაგრამ მხოლოდ მისი ბრალია, ჩემპიონობის შემდეგ კარიერა ასე არ უნდა გაიფუჭო!"

"რა რთულია, ერთ წელს რუსეთის ჩემპიონატის საუკეთესო მცველი ხარ, ინგლისის პრემიერლიგაში გეპატიჟებიან და აქამდე ეშვები."

"კვირკველია ერთი მწვრთნელის ფეხბურთელი გამოდგა."

კვირკველია კარიერას არაბეთში გააგრძელებს