"კვარაცხელიაზე კინოსცენარის დაწერაა საჭირო" - ამბობს "რუბინის" დირექტორი

"რუბინის" სპორტულმა დირექტორმა ოლეგ იაროვინსკიმ Sport24-თან ინტერვიუში განაცხადა, რომ ხვიჩა კვარაცხელიას ტრანსფერზე მათთვის არავის მიუმართავს.

- ზაფხულში თქვენ თქვით, რომ ხვიჩათი ევროპის 3-5 კლუბია დაინტერესებული. საბოლოოდ ის რატომ არ წავიდა?
- იმიტომ, რომ ამ ინტერესის წინადადებით ფორმულირება არ მოხდა. ეს მეტ-ნაკლებად შეგნებული ინტერესი იყო, მაგრამ მეტი არაფერი. ხვიჩას პრობლემა უფრო პრესასთანაა დაკავშირებული.

- როგორ?

- მედიაში გაცილებით მეტი იწერებოდა, ვიდრე რეალურად ხდებოდა. ეს ყველაფერზე ძალიან ნეგატიურად აისახა. ჭორების რაოდენობამ, ზარებმა, ხვიჩას გარშემო მოძრაობებმა, რომლებიც აბსოლუტურად არაფერზე იყო დაფუძნებული - კარგი არაფერი მოიტანა.

რეალური წინადადება რომ ყოფილიყო, ჩვენ გავუშვებდით. ზაფხულში ოფიციალურად მხოლოდ ორ ფეხბურთელზე მოგვმართეს - კარლ სტარფელტსა და დენის მაკაროვზე. ერთი ახლა "სელტიკშია", მეორე - "დინამოში", ხოლო ხვიჩაზე არც ზაფხულში და არც ზამთარში ოფიციალური წინადადება არ ყოფილა.

- ეს საერთოდ თქვენი ნამუშევარია. ჟურნალისტები რაღაც სიახლეს აიტაცებენ, დაიწყებენ გაბუქებას, კომენტარების აღებას, წერენ მოსაზრებებს ტელეგრამ-არხებზე, ყველაფერი დუღს, ყველაფერი განიხილება...

მე ჟურნალისტებს დიდი პატივისცემით ვეკიდები, მათ პროფესიას ფეხბურთისთვის უმნიშვნელოვანესად ვთვლი, მაგრამ ვერასოდეს ვხედავ ლოგიკურ ჯაჭვს, რომლებიც ზოგიერთი ადამიანის თავში წარმოიშვება. მე ვფიქრობ: "ცუდი არ არის, კინოსცენარის დაწერაა საჭირო", რადგან ჩვენ შიდა პროცესისას ვერც კი ვხვდებით იმ ეშმაკურ ჩანაფიქრებს, რომლებიც გარკვეულ თეორიულ იდეას მიეწერება.

ახლა ჭორები ისეთი სიხშირით წარმოიშვება, რომ თუ შენ უარყოფ, ის არავისთვის საინტერესო არ იქნება.

ხვიჩა ბათუმის "დინამოსთვის" ემზადება - კვარაცხელიას დაბრუნება