ხოჭოლავამ ოპერაცია ახლა მარჯვენა ფეხზე გაიკეთა

"კოპენჰაგენის" საიტი იტყობინება, რომ მათი გუნდის 30 წლის ცენტრალურმა მცველმა დავით ხოჭოლავამ მარცხენა ფეხის შემდეგ, ოთხშაბათს ოპერაცია მარჯვენა ფეხზე გაიკეთა და 8-12 კვირა მოუწევს უქმობა.

"დავითმა ზაფხულში ერთ ფეხზე გაკეთებული ოპერაციის მერე კარგად მოახერხა აღდგენა, მაგრამ ანალოგიური პრობლემები მეორე მუხლზე ჰქონდა. ამიტომ იმისათვის, რათა მომავალში სერიოზული ტრავმის რისკისათვის თავი აგვერიდებინა, ოპერაციის ახლა გაკეთება გადავწყვიტეთ, რომელიც გეგმის მიხედვით ჩატარდა და გამოჯანმრთელება და ფორმაში ჩადგომა დასჭირდება", - განაცხადა "კოპენჰაგენის" მთავარმა ექიმმა მორტენ ბოესენმა.

"რა თქმა უნდა, დავითისთვის და ჩვენთვის სამწუხაროა, რომ მას შემდეგ, რაც გამოჯანმრთელდა და ძლიერი დაბრუნდა, ახალი კურსის გავლა მოუწევს. ვიცით, მას ძლიერი ხასიათი აქვს, ისევ დაგვიბრუნდება, თუმცა ამჟამად მისთვის რთული პერიოდია", - აღნიშნა გუნდის მთავარმა მწვრთნელმა იაკობ ნეესტრუპმა.

ხოჭოლავას მორიგი ტიტული - ამჟამად ტრავმირებულმა ქართველმა "კოპენჰაგენის" ტრიუმფში დიდი წვლილი შეიტანა