მამარდაშვილი შესაძლოა, "ვილიარეალში" აღმოჩნდეს - საქმეში "ჩელსიც" დაბრუნდა?

დღე არ გავა, ესპანურ, გერმანულ თუ ბრიტანულ პრესაში გიორგი მამარდაშვილის შესაძლო მომავალი გუნდის შესახებ არ დაიწეროს.

elgoldigital-მა დღეს გვაუწყა, რომ ჩვენებურისთვის ბრძოლაში "ვილიარეალი" ჩაერთო და ქართველის მიწვევა "ყვითელი წყალქვეშა ნავის" მწვრთნელ კიკე სეტიენს თავად უნდა.

წყარო წერს, რომ 22 წლის კიპერის შეძენა შესაძლოა, "სევილიამაც" მოისურვოს, მაგრამ ეს იმაზეა დამოკიდებული, აიბარგებს თუ არა "სანჩეს პისხუანიდან" იასინ ბონო, ამის ალბათობა კი ბოლოს საკმაოდ დაეცა.

ინფორმაციისათვის, ბრიტანულმა პრესამ გიორგის სახელი "ჩელსის" კვლავ დაუკავშირა. "ბაიერნს" იჯარით ლონდონელთა კარის დარაჯის, კეპა არისაბალაგას აყვანა უნდა, "არისტოკრატები" კი მის შემცვლელად სწორედ მამარდაშვილს განიხილავენ.

მოგეხსენებათ, "ჩელსიმ" რამდენიმე დღის წინ "ბრაიტონიდან" კიპერი რობერტ სანჩესი უკვე დაიმატა.