ხვიჩამ გაიბრწყინა, დუბლი შეასრულა და "ნაპოლიმ" სტუმრად "ვერონას" სძლია [VIDEO]

მატჩი მოულოდნელად მასპინძელთა შეტევებით დაიწყო და მეკარე მერეტს ორჯერ მოუწია ბურთის მოგერიება, რის შემდეგაც უპირატესობას სტუმრები დაეუფლენ, რომელთა რიგებში ტრავმირებული ოსიმენი არ იყო - ორჯერ თავისი გუნდი მეკარე მონტიპომ გადაარჩინა, 27-ე წუთზე კი პოლიტანომ „ნაპოლი“ დააწინაურა. მორიგი იერიშისას კაიუსტემ კარგი შანსი გაუშვა ხელიდან. კვარაცხელიას ყურადღებით მეურვეობდნენ, უხეშობასაც არ ერიდებოდნენ, მსაჯმა ფარაონი“დაინდო“, მარიანის კი ყვითელი ბარათი უჩვენა. 43-ე წუთზე კი ხვიჩა ფარაონის გაექცა და ანგარიში გაზარდა, ხოლო მის აღნიშვნას შეხლა-შემოხლა და ფარაონის გაფრთხილება მოჰყვა.

შესვენების შემდეგ „კვარამ“ მცველები და მეკარე გააბითურა და დუბლი შეასრულა. ვერონელებმა საპასუხო იერიშებით უპასუხეს და შეცვლაზე შესულმა ლაზოვიჩმა ანგარიში შეამცირა. კვარაცხელია 76-ე წუთზე შეცვალეს და ნეაპოლელმა გულშემატკივრებმა მოედნიდან აპლოდისმენტებით გააცილეს.

„ნაპოლი“ 17 ქულით მეხუთე ადგილზეა და შემდეგ შეხვედრას 24 ოქტომბერს ჩემპიონთა ლიგაზე ბერლინში „უნიონთან“ ჩაატარებს.

გოლები: 0:1 პოლიტანო (27), 0:2 კვარაცხელია (43), 0:3 კვარაცხელია (54), 1:3 ლაზოვიჩი (60)

"ნაპოლისა" და "ვერონას" ფანები მატჩის წინ ერთმანეთს დაუპირისპირდნენ [VIDEO]