"აიაქსმა" 5:0 მოიგო - მიქაუტაძე შეცვლაზე შევიდა

ნიდერლანდების ჩემპიონატის მეცამეტე ტურში „აიაქსმა“ სახლში აუტსაიდერი „ვიტესი“ 5:0 დაამარცხა.

მასპინძელთა გუნდის თავდამსხმელი გიორგი მიქაუტაძე ჩუბა აკპომის ნაცვლად 68-ე წუთზე შევიდა შეცვლაზე, თამაშში აქტიურად ჩაერთო, კომპენსირებულ დროში გატანაც შეეძლო, მაგრამ მის მიერ დარტყმული ბურთი მეკარემ მოიგერია.

„აიაქსმა“ ჩემპიონატზე ზედიზედ მესამე გამარჯვება იზეიმა, 1 მატჩით ნაკლები აქვს ჩატარებული, 15 ქულით მერვე ადგილზეა და შემდეგ შეხვედრას 1-ელ დეკემბერს ევროპა ლიგაზე საფრანგეთში „მარსელთან“ გამართავს.

ამსტერდამი. „იოჰან კრუიფ არენა“
აიაქსი - ვიტესი 5:0