"ტორინოს" სპორტულ დირექტორ დავიდე ვანიატის გუნდის ქართველი მცველის, საბა საზონოვის მომავლის შესახებ დაეკითხნენ. როგორც იცით, ჩვენებურს დიდი სათამაშო დრო არ ეძლევა, მაგრამ მწვრთნელი ივან იურიჩი მასზე მუდამ დადებითად საუბრობს.
"საზონოვის იჯარაზე ან მისთვის რაიმე ახალი ვარიანტის პოვნაზე არ ვმუშაობთ", - ციტირებს ვანიატის სიტყვებს RB Sport-ი.
ამ სიტყვებიდან შეგვიძლია დავასკვნათ, რომ ტურინელები საბაზე დიდ იმედებს ამყარებენ და მას, დიდი ალბათობით, სათამაშო დროც გაეზრდება.
მიმდინარე სეზონში საზონოვმა "ტორინოს" 5 შეხვედრაში მიიღო მონაწილეობა და ჯამში მინდორზე 149 წუთი გაატარა.
