დიმიტრი ტატანაშვილი "საბურთალოს" ფეხბურთელი გახდა

34 წლის თავდამსხმელი დიმიტრი ტატანაშვილი თბილისის "საბურთალოს" ფეხბურთელი გახდა. ამის შესახებ ინფორმაცია კლუბის "ფეისბუქგვერდმა" გაავრცელა.

წყაროს ცნობით, ტატანაშვილმა ახალ კლუბთან კონტრაქტი 2 წლით, 1+1 სისტემით გააფორმა.

შეგახსენებთ, რომ ტატანაშვილი წლევანდელ ეროვნულ ლიგაში საჩხერის "ჩიხურას" ღირსებას იცავდა, სადაც 15 გოლი გაიტანა.

2004-05 წლების სეზონიდან მოყოლებული, ამპლუით თავდამსხმელმა მეტოქეთა კარის აღება სულ 134-ჯერ მოახერხა.