პიოლი: "ნაპოლი" ჩვენზე უფროა წნეხის ქვეშ - არ ვიცი, რას მოიმოქმედებს სპალეტი

დღეს, ჩემპიონთა ლიგის პირველ მეოთხედფინალურ მატჩში, "მილანი" "ნაპოლის" უმასპინძლებს. შეხვედრის წინ ჩატარებულ პრესკონფერენციაზე მასპინძელთა გუნდის მწვრთნელმა სტეფანო პიოლიმ ჟურნალისტების კითხვებს უპასუხა.

- ამჯერად ყველაფერი სხვანაირად იქნება. ეს მატჩი 180 წუთი გაგრძელდება.

სერია A სხვა ისტორიაა, ჩვენ დავამტკიცეთ, რომ ჩემპიონთა ლიგაზე ღირსეულად ვასპარეზობთ. ამიტომ მაქსიმალურად უნდა დავიხარჯოთ და კონცენტრირებული ვიყოთ. საუკეთესოდ სათამაშოდ გულშემატკივრები შესანიშნავ მუხტს მოგვცემენ.

- "ნაპოლი" უფროა წნეხის ქვეშ. ორივე გუნდი მოტივირებულია, ნახევარფინალში გასვლა ყველას უნდა. ტურნირზე 8 გუნდი დარჩა და ყველა ძლიერია. "ნაპოლიმ" ჩემპიონთა ლიგაზე ყველაზე მეტი გოლი გაიტანა. მე არ დავიწყებ იმის ვარაუდს, რას იზამს სპალეტი ტრავმირებული ფეხბურთელების არყოფნისას. არ ვიცი, მისი მოთამაშეები როგორ განლაგდებიან მოედანზე.

ჩვენ ჩემპიონთა ლიგასა და ოცნებებზე ვსაუბრობთ. მშვიდად ვართ, რადგან კარგად მოვემზადეთ. ენთუზიაზმით თამაში გვმართებს. 0:0-დან ვიწყებთ და ორ თანაბარ შეხვედრას და მეტოქისგან რაღაც სხვას ველი.

- ვერ გეტყვით, რას მოიმოქმედებს სპალეტი, იქნებიან აგრესიულები თუ ღრმად დაცვაში, საკუთარ კართან ჩადგებიან. ჩემმა ბიჭებმა სხვადასხვა სიტუაციის წაკითხვა და თავისუფალი ზონების მონახვა უნდა შეძლონ.

სპალეტი: ეს სეზონის კულმინაციაა - ოსიმენის გარეშეც მოგვიპოვებია გამარჯვებები