ბარტომეუს ნეიმარის შესაძენად "ერთი დეტალიღა" აკლია

"მარკას" ცნობით, "ბარსელონას" პრეზიდენტმა ჟოზეპ ბარტომეუმ როგორც იქნა, პსჟ-ის თავდამსხმელ ნეიმარის დაბრუნება გადაწყვიტა.

ბარტომეუ ამ ტრანსფერს საკვანძოდ თვლის, მაგრამ ეს ადვილი არ იქნება.

პირველი პრობლემა ფეხბურთელის კონტრაქტის გამოსასყიდი ფასია - 164 მილიონი ევრო. ფინანსური კრიზისისას კატალონიურ კლუბს ამხელა თანხა არა აქვს.

მეორე პრობლემა ხელფასია. ნეიმარი წელიწადში "პარი სენ ჟერმენში" დაახლოებით 70 მილიონს გამოიმუშავებს, "ბარსას" კი შეუძლია 20 მილიონზე ოდნავ მეტი შესთავაზოს.

გამოცემის მტკიცებით, "ბარსელონას" ეს სიამოვნება მთლიანობაში 500 მილიონი დაუჯდება.

თუმცა, რაც მთავარია, ბარტომეუს მისი დაბრუნების მტკიცე სურვილი გააჩნია, რომლის განხორციელებასაც "ერთი დეტალიღა" უშლის ხელს - ფინანსები.

ლა ლიგის პრეზიდენტი: "ბარსელონას" არ აქვს ფული, ნეიმარს და ლაუტაროს ვერ იყიდის