ავტორიტეტული ესპანური გამოცემა AS-ის ინფორმაციით, გუშინ კრიშტიანო რონალდოს აგენტი ჟორჟე მენდეში "ბარსელონას" პრეზიდენტ ჟოან ლაპორტას შეხვდა. მათ მენდეშის სხვადასხვა კლიენტის: ბერნარდო სილვას, რუბენ ნევეშის, რაფაელ ლეაოსა და რაც ყველაზე საინტერესოა, კრიშტიანო რონალდოს "ბლაუგრანაში" შესაძლო ტრანსფერები განიხილეს.
ბოლო დღეებია აქტიურად ვრცელდება ცნობები, რომ პორტუგალიელს "მანჩესტერ იუნაიტედის" დატოვება და ახალი გუნდის პოვნა სურს და ეს თავის აგენტს უკვე შეუთვალა.
მას "წითელ ეშმაკებთან" კონტრაქტი კიდევ ერთი წლით აკავშირებს.
