ევროპა ლიგა. 1/4-ფინალი: ნახევარფინალში ორი ინგლისური გუნდი გავიდა

15 აპრილს ევროპა ლიგის განმეორებითი მეოთხედფინალური მატჩები ჩატარდა და ნახევარფინალური წყვილები გაირკვა.

„მანჩესტერმა“ საკუთარ მოედანზეც სძლია „გრანადას“ და ზედიზედ მეორედ გავიდა ამ ტურნირის 1/2-ფინალში. კავანი პირველი ურუგვაელი ფეხბურთელია, რომელმაც ევროტურნირებზე 50 გოლი გაიტანა. პოგბამ ყველა ტურნირზე უკანასკნელ 4 შეხვედრაში 3 საგოლე პასი გააკეთა - იქამდე ბოლოს საგოლე გადაცემა ოქტომბერში გააკეთა.

„რომამ“ სახლში სასურველ ფრეს მიაღწია „აიაქსთან“ და გათამაშების შემდეგ ეტაპზე გავიდა.

„არსენალმა“ გასვლაზე გაანადგურა „სლავია“ და ნახევარფინალში ითამაშებს. ლონდონური კლუბი უკანასკნელ 4 წელიწადში მესამედ გავიდა ნახევარფინალში, ტურნირი კი არასოდეს მოუგია.

„ვილირეალმა“ ამჯერადაც სძლია ზაგრების „დინამოს“. 19 წლის ნახევარმცველმა საკამ ევროპა ლიგაზე 4 გოლი გაიტანა და 8 საგოლე გადაცემა გააკეთა.

მანჩესტერი - გრანადა 2:0 (პირველი მატჩი 2:0)
გოლები: 1:0 კავანი (6), 2:0 ვალეხო (90+1, საკ. კარში)

რომა - აიაქსი 1:1 (2:1)
გოლები: 0:1 ბრობეი (49), 1:1 ჯეკო (72)

სლავია - არსენალი 0:4 (1:1)
გოლები: 0:1 პეპე (18), 0:2 ლაკაზეტი (21), 0:3 საკა (24), 0:4 ლაკაზეტი (77)

ვილიარეალი - დინამო (ზ) 2:1 (1:0)
გოლები: 1:0 ალკასერი (36), 2:0 მორენო (43), 2:1 ორსიჩი (74)