Sky Sports-ის ინფორმაციით, ინგლისის, ნიდერლანდების, გერმანიის, ბელგიის, უელსის, შვეიცარიის და დანიის ნაკრებების კაპიტნები LGBT სამკლავურებს 2022 წლის მუნდიალზე აღარ გაიკეთებენ.მოგეხსენებათ, ფიფამ გუნდებს გაუგზავნა შეტყობინება, რომ აღნიშნული სამკლავური არ გაეკეთებინათ, წინააღმდეგ შემთხვევაში კი ამას შესაძლოა, სპორტული სანქციები ან კაპიტანთა გაფრთხილება გამოეწვია.
აღნიშნულის შემდეგ, ზემოთ ჩამოთვლილმა გუნდებმა მიიღეს გადაწყვეტილება, რომ თავიანთ მატჩებზე LGBT სამკლავურით არ გამოვლენ.
