2026 წლის მსოფლიო ჩემპიონატის შესარჩევ ეტაპზე არგენტინის ნაკრებმა ბრაზილია 4:1 გაანადგურა, ბოლივიასა და ურუგვაის შეხვედრა კი ნულოვანი ფრით დასრულდა, რის შედეგადაც "ალბისელესტე" გახდა მე-7 ნაკრები, რომელმაც 2026 მუნდიალზე თამაში ოფიციალურად გაინაღდა. მოქმედ მსოფლიო ჩემპიონებამდე აღნიშნული საგზურის მფლობელი 3 ნაკრები გახდა. ესენი იაპონია, ახალი ზელანდია და ირანი არიან.
რა თქმა უნდა, ჩამონათვალს სამი მასპინძელი ქვეყანა, აშშ, მექსიკა და კანადაც დაემატებიან და გამოდის, რომ 2026 წლის მსოფლიო ჩემპიონატზე მონაწილე 7 გუნდის ვინაობა უკვე ცნობილია.
