"ნეიმარი მეძავის შვილია, მესი - სულელია" - სკანდირებდნენ პსჟ-ის ფანები

პსჟ-ის გულშემატკივრები საყვარელი გუნდის "რეალთან" მარცხისა და ჩემპიონთა ლიგიდან გამოვარდნის გამო გაბრაზებულები არიან.

საფრანგეთის ლიგა 1-ის 28-ე ტურში პსჟ-მა საკუთარ მოედანზე 3:0 დაამარცხა აუტსაიდერი "ბორდო". კილიან მბაპემ, ნეიმარმა და მესიმ შეუცვლელად ითამაშეს. გოლები ნეიმარმა, მბაპემ და პარედესმა გაიტანეს.

პარიზელი ფანები გუნდს უსტვენდნენ და შუათითს აჩვენებდნენ. მხოლოდ მბაპეს შეხვდნენ აპლოდისმენტებით, მესის და განსაკუთრებით ნეიმარს კი, ობსტრუქცია მოუწყვეს.

ისინი სკანდირებდნენ: "ნეიმარი მეძავის შვილია, მესი - სულელია".

მესიმ შეხვედრის 87-ე წუთზე ბურთი ძელს გაარტყა - ამ სეზონში 8-ჯერ, რაც ევროპის 5 საუკეთესო ლიგაში

ყველაზე მეტია. მიმდინარე სეზონში არგენტინელმა ჩემპიონატის 18 შეხვედრაში 2 გოლი გაიტანა და 10 საგოლე გადაცემა გააკეთა.

alt "ასეთებიც ხდება..." - ხავი რეალისა და პსჟ-ის თამაშს გამოეხმაურა