ლეგენდარულმა ინგლისელმა ფეხბურთელმა გარი ლინეკერმა "ფრანს ფუტბოლთან" ინტერვიუში ევროკავშირიდან დიდი ბრიტანეთის შესაძლო გასვლაზე ისაუბრა და განაცხადა, რომ ამ შემთხვევაში ინგლისურ ფეხბურთს დამატებითი სირთულეები შეექმნება.
"რა თქმა უნდა, "ბრექსიტი" ინგლისურ ფეხბურთზეც აისახება. თუმცა, ჩვენ არ ვიცით, როგორი იქნება ეს გავლენა. ზუსტად ეს გაუგებრობა ქმნის პრობლემას.
დასჭირდებათ თუ არა ინგლისში ჩამოსასვლელად ევროპელ ფეხბურთელებს ვიზები, როგორც ეს სხვა ევროპული ქვეყნების შემთხვევაში ხდება? უნდა დაამტკიცონ თუ არა მათ, რომ პრემიერლიგის დონეს აკმაყოფილებენ ან რომ ნაკრებში მატჩების გარკვეული პროცენტი აქვთ ჩატარებული?
პრობლემები ახალგაზრდა ფეხბურთელებსაც შეექმნებათ.
არადა, ძალიან ბევრმა უცხოელმა ფეხბურთელმა სახელი სწორედ ინგლისში გაითქვა - ნგოლო კანტე და რიად მაჰრეზი აქ ყოველგვარი სამუშაო ვიზის გარეშე ჩამოვიდნენ.
რა თქმა უნდა, პრემიერლიგა შეეცდება, ეს ცვლილებები მინიმუმამდე დაიყვანოს, მაგრამ შესაძლებელია თუ არა ეს იურიდიულად? რამდენადაც მე ვიცი, კლუბების პრეზიდენტებიდან მხოლოდ ორმა დაუჭირა მხარი "ბრექსიტს", თუმცა ისინიც კი არ არიან უკვე ასეთი კატეგორიულები.
გარდა ამისა, პრობლემები ინგლისურ კლუბებსაც შეექმნებათ. ვინც ჩემპიონთა ლიგასა და ევროპის ლიგაზე თამაშობს, მათ საელჩოებში საბუთების შეტანა მოუწევთ?
რას იტყვით ათასობით გულშემატკივარზე? კენჭისყრები მატჩამდე 3-4 კვირით ადრე ტარდება. რამდენი მათგანი მოასწრებს საბუთების შეტანას და ვიზის მიღებას? ეს ყველაფერი ინგლისურ ფეხბურთს სერიოზულად დააზარალებს.
მე თავს ჭეშმარიტ პატრიოტად ვთვლი, მაგრამ პატრიოტიზმს თვითიზოლირებასთან არ ვაიგივებ", - განაცხადა ლინეკერმა.
![alt](/pictures/image50/5adc6e26a55308edc289954771385e15.jpg "გარი ლინეკერი "ბრექსიტზე" - ეს ინგლისურ ფეხბურთს სერიოზულად დააზარალებს")
"ოქროს ბუცისთვის" ბრძოლა დასკვნით ეტაპზე გადადის
![alt](/pictures/image50/b187d9c22871cc2012036e268089c4bd.jpg "გარი ლინეკერი "ბრექსიტზე" - ეს ინგლისურ ფეხბურთს სერიოზულად დააზარალებს")
"მრცხვენია" - სეზონის ალბათ ყველაზე კურიოზული ეპიზოდი [VIDEO]
![alt](/pictures/image50/2036af57262e0bed70f450ce3bbb1001.jpg "გარი ლინეკერი "ბრექსიტზე" - ეს ინგლისურ ფეხბურთს სერიოზულად დააზარალებს")
კლოპი: ჯერარდის ჩანაცვლება 500 წლის მანძილზე ყველაზე რთული ამოცანაა, ჰენდერსონს ეს კარგად გამოსდის
![alt](/pictures/image50/0212bff4c8fcb5bb6a7917c22cf1f8eb.jpg "გარი ლინეკერი "ბრექსიტზე" - ეს ინგლისურ ფეხბურთს სერიოზულად დააზარალებს")
უსეინ ბოლტი ფეხბურთს ვერ ეშვება - რეკორდსმენმა ამჯერად "პალმეირასთან" ივარჯიშა [VIDEO]
