"ჩელსი", "სიტი" და "ატლეტიკო" სუპერლიგიდან გამოდიან - ტურნირი მკვდრადშობილია?

სუპერლიგაში "ჩელსისა" და "მანჩესტერ სიტის" გაერთიანებამ ინგლისში უკმაყოფილება გამოიწვია. დღეს ლონდონში, "სტემფორდ ბრიჯის" სტადიონთან, "ჩელსის" გულშემტკივრებმა საპროტესტო აქცია ჩაატარეს და სკანდირებდნენ: "ჯანდაბას პერესი, ჯანდაბას სუპერლიგა". მათთან სასაუბროდ კლუბის ტექნიკური მრჩეველი პეტრ ჩეხი გავიდა და უთხრა, რომ ყველაფერი იცის და გადაწყვეტილების მისაღებად დრო მოითხოვა.

ცოტა ხანში კი The Athletic-მა გაავრცელა ინფორმაცია, რომ "ჩელსი" სუპერლიგის დასატოვებლად დოკუმენტაციას ამზადებს. როგორც ირკვევა, "არისტოკრატები" სუპერლიგაში გაერთიანებას ბოლო მომენტში სხვა ინგლისური კლუბების რჩევით დათანხმდნენ და მიღებულ გადაწყვეტილებას ნანობენ.

მოგვიანებით ცნობილი გახდა, რომ სუპერლიგას "მანჩესტერ სიტი" და "ატლეტიკო" ტოვებენ.

დღეს ტურნირის ორგანიზატორები შეიკრიბებიან და მისი გაუქმების გადაწყვეტილებაზე იმსჯელებენ.

კონგრესმენები "ბარსელონას", "რეალისა" და "ატლეტიკოს" ლა ლიგიდან მოკვეთას მოითხოვენ