"შახტარის" მეკარემ შეიძლება კარიერა პრემიერლიგაში გააგრძელოს

"შახტარის" 21 წლის მეკარეს ანატოლი ტრუბინს (სიმაღლე 199 სმ) ზაფხულში კარიერის პრემიერლიგაში გაგრძელების შანსი აქვს, - იტყობინება ჟურნალისტი ფაბრიციო რომანო.

რომანო არ აკონკრეტებს, მაგრამ ირწმუნება, რომ უკრაინის ნაკრების მეკარეს ინგლისური კლუბები აკვირდებიან.

"შახტარმა" თადარიგი აქედანვე დაიჭირა და ტრუბინის შემცვლელად "ვორსკლადან" დმიტრი რიზნიკი გადაიყვანა.

ადრე გავრცელდა ინფორმაცია, რომ ტრუბინმა "შახტართან" 2024 წლის ზაფხულამდე მოქმედი კონტრაქტის გახანგრძლივებაზე უარი განაცხადა.

"დიდება რუსეთს" - ამ შეძახილის გამო "შახტარის" ფეხბურთელმა რუს ადამიანს ხელი გაარტყა და თავის ტვინის დაზიანება მიაყენა