აპირებს თუ არა მარადიშვილი საქართველოს ნაკრებში თამაშს?

РБ СПОРТ- იტყობინება, რომ მოსკოვის "ლოკომოტივის" ნახევარმცველი კონსტანტინე მარადიშვილი სპორტული მოქალაქეობის შეცვლას და საქართველოს ნაკრებში თამაშს აპირებს.

გამოცემის მტკიცებით, მარადიშვილის მიერ საქართველოს მოქალაქეობის მიღების საკითხი დასკვნით სტადიაზეა.

23 წლის მარადიშვილი რუსეთის სხვადასხვა ასაკობრივი ნაკრების წევრი იყო, თუმცა ეროვნულ გუნდში არ უთამაშია და სპორტული მოქალაქეობის უპრობლემოდ შეცვლა შეუძლია. მან ამ სეზონში კლუბში ყველა ტურნირზე 20 მატჩში 2 გოლი გაიტანა.

გავრცელებული ინფორმაცია უარყო ფეხბურთელის მამამ, კობა მარადიშვილმა, რომელმაც განაცხადა, რომ მისი შვილი საქართველოს მოქალაქეობის მიღებას არ გეგმავს.

შეგახსენებთ, მოსკოვის "დინამოს" მცველი საბა საზონოვი საქართველოს მოქალაქე გახდა და მწვრთნელმა ვილი სანიოლმა მარტში ჩასატარებელი მატჩებისთვის ეროვნულ გუნდში გამოიძახა. ცნობისათვის, ამას წინათ მარადიშვილის თანაგუნდელმა ნაირ ტინგიზიანმა სომხეთის მოქალაქეობა მიიღო.

შესთავაზა თუ არა მარადიშვილს სფფ-მ საქართველოს ნაკრებში თამაში - რუსული პრესა განმარტავს