"კვარას" უკმაყოფილება? გეტყვით, რატომ შევცვალე" - რა თქვა გარსიამ "ჯენოასთან" მატჩის შემდეგ

გუშინ, 16 სექტემბერს, სერია A-ს მე-4 ტურში "ჯენოამ" "ნაპოლის" უმასპინძლა, მატჩი ფრედ 2:2 დასრულდა.

შეხვედრის შემდეგ რუდი გარსიამ ჟურნალისტებთან ისაუბრა. ფრანგი სპეციალისტის თქმით, ხვიჩა კვარაცხელია იმიტომ შეცვალა, რომ შანსი სხვა ფეხბურთელებისთვისაც მიეცა.

"ცუდად ვითამაშეთ, მხოლოდ მაშინ გამოვფხიზლდით, როდესაც მეტოქე ჩვენზე ორი გოლით წინ იყო. პირველი ტაიმი ჩავაგდეთ, თუმცა შესვლაზე შემოსულმა ფეხბურთელებმა მატჩში გარდატეხა მოახდინეს.

ეს შეხვედრა ჩვენთვის გაკვეთილი უნდა იყოს, იმედი მაქვს, შემდეგ მატჩებში პირველივე წუთიდან 100%-ით დავიხარჯებით.

კვარას ჟესტი? ვინც კარგად ვარჯიშობს შანსს ყველა მიიღებს, ეს ჩემმა ფეხბურთელებმა იციან,

მინდა შანსი ყველამ მიიღოს და ქართველიც სწორედ ამიტომ შევცვალე", - განაცხადა გარსიამ.

შეგახსენებთ, "ნაპოლი" მომდევნო მატჩს 20 სექტემბერს, ჩემპიონთა ლიგაზე "ბრაგას" წინააღმდეგ გამართავს.

alt კვარაცხელიას მაღალი შეფასება და გარსიასადმი პროტესტის ჟესტი [VIDEO]

alt "კვარას" მშრალი სერია? მას შემდეგ რაც ნაკრებში 2 სრული მატჩი ითამაშა, დავრწმუნდი რომ..." - რა თქვა გარსიამ "ჯენოასთან" მატჩის წინ

alt "ხვიჩა "ნაპოლის" დატოვებაზე არ ფიქრობს, აქ თავს ისე ვგრძნობთ, როგორც თბილისში; რაც შეეხება გარსიას..." - ბადრი კვარაცხელიას ინტერვიუ

სხვადასხვა

"კვარას" უკმაყოფილება? გეტყვით, რატომ შევცვალე" - რა თქვა გარსიამ "ჯენოასთან" მატჩის შემდეგ