"კონტემ "ნაპოლისთან" ხელშეკრულება გააფორმა" - იტალიელი ჟურნალისტი სენსაციურ ინფორმაციას ავრცელებს

იტალიელი ჟურნალისტის, მასიმო სპარნელის ინფორმაციით, ანტონიო კონტე სეზონის დასრულების შემდეგ "ნაპოლის" ჩაიბარებს.

როგორც სპარნელიმ Tele A-სთან ინტერვიუში განაცხადა, "იუვენტუსისა" და "ჩელსის" ყოფილმა თავკაცმა "პარტენოპეისთან" კონტრაქტი უკვე გააფორმა.

"რამდენიმე კვირის წინ დავწერე, რომ "ნაპოლის" იტალიანო ჩაიბარებდა, თუმცა შევცდი...

კონტეს შესახებ ინფორმაცია ტურინიდან მივიღე, ჩემმა მეგობარმა, რომლის სახელსაც არ ვიტყვი, თუმცა ძალიან სანდოა, დამირეკა და მითხრა, რომ კონტემ "ნაპოლისთან" ხელშეკრულება გააფორმა.

რატომ დათანხმდა ანტონიო დე ლაურენტისის წინადადებას? მან იცის, რომ "პარტენოპეი" ერთადერთი იტალიური კლუბია, რომელსაც ფულის დახარჯვა შეუძლია, კონტემ კლუბის პრეზიდენტისგან გარანტიები

მიიღო", - განაცხადა სპარნელიმ.

შეგახსენებთ, კონტე ბოლოს "ტოტენჰემს" წვრთნიდა, სხვადასხვა დროს კი - "არეცოს", "ბარის", "ატალანტას", "სიენას", "იუვენტუსს", იტალიის ნაკრებს, "ჩელსისა" და "ინტერს".

alt დიდი ალბათობით, "ბაიერნს" კონტე ჩაიბარებს

alt "იცით, რომ "ტოტენჰემში" მე-4 ადგილზე გასვლას ზეიმობენ?" - კონტემ "დეზებში" მუშაობის პერიოდი გაიხსენა

alt "მაცარი ზაფხულში აუცილებლად წავა; მოდით, კონტეზე ოცნებას თავი დავანებოთ" - რას აცხადებს ფედელე?

alt "იცით, კონტე დე ლაურენტისს რომელი ფეხბურთელის ტრანსფერს სთხოვს?" - იტალიელი ჟურნალისტი