ლანჩხუთის "გურიამ" ქუთაისის "ტორპედო" დაამარცხა

10 დეკემბერს საქართველოს ჩემპიონატის უმაღლესი ლიგის მე-16 ტურის გადადებული მატჩი გაიმართა.

სამტრედიაში, ეროსი მანჯგალაძის სახელობის სტადიონზე, ლანჩხუთის "გურიამ" ქუთაისის "ტორპედოს" უმასპინძლა.

მატჩის მე-7 წუთზე ალექსანდრე კოშკაძემ "გურია" დააწინაურა, ხოლო 71-ე წუთზე ალექსანდრე შენგელიამ "გურიას" უპირატესობა ორამდე გაზარდა. საბოლოოდ ლანჩხუთელებმა "ტორპედო" ანგარიშით 2:0 დაამარცხეს.

შეგახსენებთ, რომ უმაღლესი ლიგის მე-16 ტურის გადადებული მატჩი "ჩიხურა"-"მერანი" "მცხეთა პარკზე" გაიმართება.