ქუთაისის "ტორპედოში" კობა ჟორჟიკაშვილს მალხაზ ჟვანია შეცვლის?

ეროვნულ ჩემპიონატში 4 ტურია ჩატარებული და ქუთაისის "ტორპედო" 7-გუნდიან "თეთრ ჯგუფში", ჯერჯერობით, მე-6 ადგილზეა. ეს კი არა, კობა ჟორჟიკაშვილის შეგირდებს 3 მატჩში (ერთი ტური დაისვენა) ჯერ გოლიც არ გაუტანიათ.

გავრცელდა ხმები, რომ ჟორჟიკაშვილი გაათავისუფლეს და უკვე შემცვლელიც მოუძებნეს. ამ მომენტისთვის, ქუთაისური კლუბი ამ ინფორმაციას არ ადასტურებს, თუმცა კულუარულად შევიტყვეთ, რომ ჟორჟიკაშვილს, დიდი ალბათობით, მალხაზ ჟვანია შეცვლის.

მარტვილის "მერანისა" და თბილისის "დინამოს" ყოფილი დამრიგებელი ბოლო ერთი წლის განმავლობაში ცხინვალის "ლიახვში" მუშაობდა, ახლახან კი თელავის "კახეთის" გაწვრთნა შესთავაზეს, მაგრამ ცხადია, უმაღლესი ლიგაში, თანაც ასეთ ამბიციურ კლუბში მუშაობამ უფრო დააინტერესა.

(იბეჭდება მცირე ცვლილებით)
ყოველდღიური სპორტული გაზეთი "ლელო"