თემურ ქეცბაია: ჩემი ქვეყანა მიყვარდა და რაც შემეძლო, ვაკეთებდი [VIDEO]

"ოღონდ გაკეთდეს რამე ქართული ფეხბურთისთვის და საერთოდ აღარ გამოვიხედავ საქართველოსკენ", - განაცხადა პოლონეთთან მატჩისწინა პრესკონფერენციაზე საქართველოს ეროვნული ნაკრების მთავარმა მწვრთნელმა თემურ ქეცბაიამ.
ქეცბაია 14 ნოემბერს პოლონეთთან გასამართავი ევრო 2016-ის შესარჩევი ციკლის მატჩის შემდეგ, შედეგის მიუხედავად, ეროვნულ ნაკრებს დატოვებს.

"ჩემი ქვეყანა მიყვარდა და რაც შემეძლო, ყველაფერს ვაკეთებდი", - განაცხადა ქეცბაიამ. მისივე თქმით, სადაც იქნება, იქიდან უგულშემატკივრებს საქართველოს.

რაც შეეხება კითხვას, ვინ იქნება უმჯობესი გუნდისთვის, ქართველი თუ უცხოელი მწვრთნელი, ქეცბაიამ განაცხადა, რომ არ აქვს მნიშვნელობა, იქნება ის უცხოელი თუ ქართველი.

"მთავარია, კარგი მწვრთნელი იყოს, რომელიც კარგ შედეგებს მოიტანს", - განაცხადა თემურ ქეცბაიამ.

ასევე იხილეთ:
ჩვენი ბოიკოტი - ღმერთმა ქნას, თემურ ქეცბაია გამარჯვებული წავიდეს! [VIDEO]