საქართველოს ნაკრებისა და მოსკოვის "სპარტაკის" ნახევარმცველის, ჯანო ანანიძის რუსეთიდან შესაძლო აბარგების შესახებ ცნობა რამდენიმე დღის წინ გავრცელდა. მაშინ რამდენიმე რუსული საიტი არაოფიციალურ წყაროებზე დაყრდნობით იუწყებოდა, რომ 19 წლის ქართველი ჰავბეკით დაინტერესებას ინგლისური "არსენალი", გერმანული "ჰამბურგი" და ბერძნული "ოლიმპიაკოსი" იჩენდნენ.
ამჯერად ეს ინფორმაცია იტალიურმა საიტმა tuttomercatoweb.com-მაც დაადასტურა, რომლის ცნობით, ჩამოთვლილი სამი ევროპული კლუბიდან ყველაზე მეტად "ჰამბურგი" აქტიურობს და ახალგაზრდა ქართველის თავის რიგებში ჩარიცხვას უკვე ამ ზამთრის სატრანსფერო ფანჯრის დროს ეშურება.
შეგახსენებთ, რომ რუსეთის ჩემპიონატში ლეგიონერებზე ახალი ლიმიტის ამოქმედების შემთხვევაში, საქართველოს ნაკრების
ქართველ ფეხბურთელს მოსკოვის "სპარტაკთან" კონტრაქტი 2015 წლის დეკემბერში ეწურება. მიმდინარე სეზონში ჯანომ "თეთრწითლების" შემადგენლობაში 10 მატჩი ჩაატარა და ერთი გოლი გაიტანა. რაც შეეხება "ჰამბურგს", ამ დროისთვის ტორსტენ ფინკის გაწვრთნილ გუნდს ბუნდესლიგის სატურნირო ცხრილში მე-11 პოზიცია უკავია.
