21 წლის ქართველმა ნახევარმცველმა და 25 წლის რუსმა ფორვარდმა, რომლებიც "როსტოვის" უდავო ლიდერები არიან, ნახევარი წლის გასამრჯელო წინასწარ მოითხოვეს.
ამის მიზეზი "როსტოვში" არსებული სისტემა ყოფილა - იქ ფეხბურთელები ხელფასს ყოველ სამ თვეში ერთხელ იღებენ. ძიუბამ და ანანიძემ მოთხოვნა ხელმძღვანელობას ჯერ კიდევ დეკემბრის თვეში წარუდგინეს.
"იზვესტია" წერს, რომ მოთხოვნის ფორმა ულტიმატუმს წააგავდა, ქართველი და რუსი ან მიიღებდნენ, რასაც ითხოვდნენ, ან კლუბიდან წავიდოდნენ.
"როსტოვის"
ასე დარჩენილან ძიუბა და ანანიძე "როსტოვში". სამაგიეროდ, მათ უკვე აღარ აქვთ უფლება უკან დაბრუნების, "სპარტაკმა" რომც მოითხოვოს.
რუსეთის ფეხბურთელთა პროფკავშირის ხელმძღვანელმა ალექსანდრ ზოტოვმა აღნიშნა "იზვესტიასთან" საუბარში, რომ კლუბს არ უჩივლია მათთან ფეხბურთელების საქციელის გამო:
"რუსულ ფეხბურთში ასეთი რამ ძალზე იშვიათად, მაგრამ მაინც ხდება ხოლმე, როცა გუნდი ხელფასს ავანსად გასცემს. საერთო ჯამში, პროფკავშირს კლუბის მიმართ პრეტენზიები არა აქვს - ხელფასები 2-3 თვით კი იგვიანებს, მაგრამ ფეხბურთელები თავისას მაინც იღებენ, რუსული საზომით, საკმაოდ სწრაფადაც".
ჯანო ანანიძემ "როსტოვში" 15 მატჩში 1 გოლი გაიტანა და 7 საგოლე პასი გააკეთა. ძიუბამ 17 მატჩში 12 გოლსა და 3 საგოლე პასს მოუყარა თავი. პირველი რუსეთის ჩემპიონატის საუკეთესო მეპასეთა შორისაა, მეორე ჩემპიონატის ბომბარდირია.