ხორდი კრუიფი შოთა არველაძეს ისრაელში ეპატიჟება

ისრაელის ტელეარხ Sport5-ის ცნობით, თელ-ავივის "მაკაბის" სპორტული დირექტორი ხორდი კრუიფი გუნდის თავკაცად ქართველ შოთა არველაძეს იწვევს.

წყაროს ცნობით, იოჰან კრუიფის ვაჟი უკვე ელაპარაკა ქართველ სპეციალისტს, მაგრამ ჯერჯერობით, უცნობია, დაინტერესდა თუ არა წინადადებით "ქაისერისა" და "ქასიმფაშას" ყოფილი მწვრთნელი.

ისრაელში ჩემპიონატში "მაკაბი" 14 ქულით საუკეთესო ექვსეულში მეორე ადგილზეა და ჩემპიონობის კარგი შანსი აქვს. გუნდს ესპანელი სპეციალისტი პაკო აიესტარანი წვრთნის.