ლეგენდარული ქართველი ფეხბურთელი შოთა არველაძე გიორგი მამარდაშვილის "ლივერპულში" ტრანსფერს გამოეხმაურა და "ფეისბუქზე" პოსტი გამოაქვეყნა:
"გიორგი მამარდაშვილს ვულოცავ უდიდეს კლუბში ტრანსფერს და მიხარია, რომ მისი პროფესიონალიზმი და შრომა სათანადოდ დაფასდა. მოზარდი ფეხბურთელისთვის ოცნებები უცვლელია; ყველა ოცნებობს დიდ გუნდში მოხვედრაზე, ისე, როგორც ათწლეულების წინ იყო ჩვენი და შემდგომი თაობების შემთხვევაში.
მამარდამ, თავისი გამორჩეული უნარებით დაიმსახურა, რომ ლივერპულის დონის კლუბში მოხვედრილიყო. ჩვენი საზომით, ქართველი მეკარის ამ კალიბრის გუნდში წასვლა კოსმოსში გაფრენას ჰგავს, მაგრამ ევროპის ჩემპიონატზეც დამტკიცდა, რომ ამ თაობის საზომი სწორედ ასეთ სიმაღლეებზე
ფრენაა. წარმატებებს ვუსურვებ მას კარიერის ახალ ეტაპზე, მანამდე კი ვალენსიაში, გამორჩეულ მატჩებს ველოდებით".
![alt](/pictures/image50/ebb1c29a573e245ea914b82e573d9ed1.jpg "შოთა არველაძე: მამარდაშვილის "ლივერპულში" წასვლა კოსმოსში გაფრენას ჰგავს")
"ვალენსიაში" 1 წლით დარჩენა ამიტომ გადავწყვიტე" - მამარდაშვილმა "ლივერპულში" გადასვლის შემდეგ წერილი გაავრცელა
