II ბუნდესლიგის 30-ე ტურში გიორგი ჭანტურიას "დუისბურგი" "მიუნხენ 1860"-ს მასპინძლობს. ქართველი შემტევის გუნდი ბოლო ადგილზეა 22 ქულით, "მიუნხენი" კი 25 ქულით მე-16 ადგილზეა (რომელიც ლიგაში დასარჩენ გადათამაშებაში მონაწილეობს). ასე რომ, გასაგებია, თუ რა მნიშვნელობის თამაში ელის ჭანტურიას გუნდს.
ტურის წინ მედიას ესაუბრა მიუნხენელთა თავკაცი ბენო მიოლმანი, რომელმაც ჩვენებური შეაქო:
"შეტევის მარჯვენა ფლანგზე "დუისბურგს" ძალიან კარგი ფეხბურთელი ჰყავს - გიორგი ჭანტურია. ჩვენ უნდა ვიზრუნოთ, რომ იქიდან საფრთხე არ დაგვემუქროს".
ჭანტურიამ "დუისბურგში" 17 თამაშში 2 გოლი გაიტანა. ჩვენებურის საშუალო შეფასება (კიკერი) 3,65-ია.
![Top 6 თანამედროვე ქართველი უნიჭიერესი ფეხბურთელი, რომელთა კარიერამ მოლოდინები ვერ გაამართლა [VIDEO]](/pictures/image7/aabc48c06d7f766509a8320d6baca7d1.jpg "Top 6 თანამედროვე ქართველი უნიჭიერესი ფეხბურთელი, რომელთა კარიერამ მოლოდინები ვერ გაამართლა [VIDEO]")
