ბაქოში, "ბაილ არენაზე" 1-ელ მაისს საინტერესო ამხანაგური მატჩი გაიმართა: აზერბაიჯანელი ვეტერანები "ვარსკვლავების ნაკრებს" დაუპირისპირდნენ. მასპინძელთა შემადგენლობაში ბევრი იყო ისეთი ფეხბურთელი, ახლო თუ შორეულ წარსულში ბაქოს "ნეფთჩისა" თუ ყოფილი საბჭოთა კავშირის სხვა გუნდებიდან რომ გვახსოვს: ისკანდერ ჯავადოვი, მაშალა ახმედოვი, იგორ პონომარიოვი, ნაზიმ სულეიმანოვი, ველი კასუმოვი, შახინ დინიევი, შაქირ ღარიბოვი, იაშარ ვახაბ-ზადე, ასიმ ხუდიევი, ვაგიფ სადიხოვი, ვიდადი რზაევი, ყურბან ყურბანოვი და სხვები.
თუმცა ბევრად უფრო შთამბეჭდავად გამოიყურებდა "ვარსკვლავების ნაკრების" შემადგენლობა, რომელსაც დღესდღეობით აზერბაიჯანში მომუშავე ცნობილი სპეციალისტები, ბერტი ფოგთსი (გერმანია) და ჯონ ტოშაკი
თუმცა "ვარსკვლავების ნაკრებში" ყველაზე წარმომადგენლობითი "დელეგაცია" საქართველოს ჰყავდა და აზერბაიჯანელი ვეტერანების წინააღმდეგ მოედანზე ახლო თუ შორეული წარსულის ხუთი გამორჩეული ფეხბურთელი გამოვიდა: ალექსანდრე ჩივაძე, თენგიზ სულაქველიძე, კახა ცხადაძე, რევაზ და არჩილ არველაძეები!
იხილეთ ვიდეო
...ანგარიში მე-6 წუთზე არჩილ არველაძემ გახსნა, თუმცა მასპინძლებმა პირველ ტაიმშივე შეძლეს ანგარიშის გათანაბრება: თავი გამოიჩინა მოსკოვის "დინამოსა" და ესპანური "ბეტისის" ყოფილმა ფორვარდმა ველი კასუმოვმა.
ტაიმები 30-წუთიანი იყო და მეორე ტაიმის დასაწყისშივე მასპინძლებმა ზედიზედ ორი გოლი გაიტანეს (სამირ ალეკპეროვი, ველი კასუმოვი);
თუმცა "ვარსკვლავების ნაკრები" ბოლომდე იბრძოდა და 56-ე წუთზე არჩილ არველაძემ ამ მატჩში თავისი მეორე გოლი გაიტანა, შეხვედრის დამთავრებამდე 2 წუთით ადრე კი "მანჩესტერ იუნაიტედის" ყოფილმა ვარსკვლავმა დუაიტ იორკმა ზუსტი დარტყმით ამ საინტერესო დაპირისპირების საბოლოო ანგარიში (3:3) დააფიქსირა...
(იბეჭდება მცირე ცვლილებით)
ყოველდღიური სპორტული გაზეთი "ლელო"
