გორის "დილა" უეფას ჩემპიონთა ლიგის II საკვალიფიკაციო ეტაპის მატჩს საკუთარ მოედანზე ბელგრადის "პარტიზანთან" მართავს. პირველი ტაიმის შემდეგ ანგარიშია 0:1, სტუმარი გუნდის სასარგებლოდ.ამრიგად, საქართველოს ჩემპიონს შემდეგ ეტაპზე გასასვლელად, დარჩენილ 45 წუთში სამი გოლის გატანა მართებს. შეგახსენებთ, რომ ამ გუნდების პირველი მატჩი ბელგრადში "პარტიზანის" გამარჯვებით, ანგარიშით 1:0 დასრულდა.
შეხვედრა უფრო აქტიურად სერბებმა დაიწყეს, თუმცა გორელებმა მალევე უპასუხეს მწვავე იერიშებით - "პარტიზანის" კარს გიორგი ნავალოვსკი, ოთარ მარცვალაძე (საჯარიმო დარტყმა) და ლაშა გვალია
აღსანიშნავია, რომ მე-18 წუთზე მსაჯმა კამათისთვის ირაკლი მოდებაძე გააფრთხილა, 37-ეზე კი გოლი მივიღეთ - ნემანია პეტროვიჩმა მარჯვენა ფრთაზე ოსტატურად ჩამოიცილა დავით ხურცილავა და ლაშა გვალია და ბურთი საჯარიმოში უმეთვალყურეოდ მყოფ დარკო ბრაშანაჩს გადააწოდა, რომელმაც უძლიერესი დარტყმით ანგარიში გახსნა.
"დილას" გათანაბრების კარგი შანსი ტაიმის მიწურულს ჰქონდა - კუთხურის შემდეგ მოდებაძის თავურით ბურთი მცირე მანძილით ასცდა კარს.
გორის "დილა" მატჩს ამ შემადგენლობით ატარებს: შევჩენკო, ხურცილავა, ბაგაევი, კობახიძე, ნავალოვსკი, პაპავა, ილურიძე, ძარია, გვალია, მოდებაძე, მარცვალაძე.
სათადარიგოები: მუჯრიშვილი, კვირკველია, რაზმაძე, ერისთავი, ქარქუზაშვილი, კვირკვია, მაშუკოვი.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
