თორნიკე შენგელია: გული მტკივა, რომ თამაშის ბოლოს გუნდს ვერ დავეხმარე

საქართველოს საკალათბურთო ნაკრების ფორვარდმა თორნიკე შენგელიამ ლიტვასთან მატჩის შემდეგ პრესკონფერენციაზე თამაშის შესახებ ისაუბრა.


"პირველ რიგში მინდა გამარჯვება მივულოცო ლიტველ კალათბურთელებს, მათ გულშემატკივრებს. უკან რომ ვიყურები, ორივე გუნდმა დიდი სამუშაო გასწია და იმსახურებდა მერვედფინალში ყოფნას.

რაც შეეხება მატჩს, ძალიან დასანანია, რომ მცირე დეტალების გამო წავაგეთ. ლიტვამ უკეთესად ითამაშა გადამწყვეტ მომენტში. განსაკუთრებულად მტკივა გული, რომ მოედნიდან გავვარდი და თამაშის ბოლოს გუნდს ვერ დავეხმარე", - თქვა შენგელიამ.

მომზადებულია gbf.ge-ს მიხედვით