ამერიკის სტუდენტური ლიგის მორიგ არასაკონფერენციო მატჩში ქართველმა უკანახაზელმა დუდა სანაძემ 21 ქულა მიითვალა და "სან დიეგოს" ზედიზედ მეორე გამარჯვება მოაპოვებინა. სანდიეგოელებმა "ბეტესდას" უმასპინძლეს და დამაჯერებელი სხვაობით - 71:56 დაამარცხეს.არადა, პირველი ტაიმის შემდეგ "სან დიეგო" აგებდა და ქართველი ლეგიონერის შედეგიანობის წყალობით მეორე ნახევარში მეტოქე ჩამოიტოვა და საბოლოო გამარჯვებასაც მიაღწია.
სანაძე მატჩის საუკეთესო მოთამაშედ დასახელდა, მის ანგარიშზე 21 ქულა, 3 ჩაჭრა, 2 მოხსნა, 1 პასი და 1 დაფარება დაგროვდა. დუდამ 30 წუთი ითამაშა და 10-დან 7 ორქულიანი, 8-დან 1 სამიანი და
არასაკონფერენციო 7 მატჩიდან "სან დიეგოს" 2 მოგება აქვს. "ვესტ ქოუსთის" კონფერენციის ჩემპიონატი 1-ელ იანვარს "პასიფიკთან" მატჩით დაიწყება, მანამდე კი სანაძის გუნდი კიდევ 4 შეხვედრას გამართავს. მომდევნო მატჩი "სან დიეგო ტორეროს" 7 დეკემბერს, თანაქალაქელ "სან დიეგო სტეიტთან" ელის.
მომზადებულია gbf.ge-ს მიხედვით
