კალათბურთი

ასაკობრივი ნაკრები

U16. საქართველო ევროპის ჩემპიონატის ფინალურ ეტაპს უმასპინძლებს

AutoSharing Option
საქართველო ევროპის 16-წლამდელთა ჩემპიონატის ფინალურ ეტაპს - A დივიზიონს უმასპინძლებს. კონტინენტის 16 საუკეთესო ნაკრები მიმდინარე წლის 8-16 აგვისტოს თბილისში შეიკრიბება და ევროპის ჩემპიონს გამოავლენს.

საქართველოს 16-წლამდელთა ნაკრები ზედიზედ მეორე წელია, A დივიზიონშია და კალათბურთის ფედერაციას სურვილი ჰქონდა, ფინალური ეტაპის მონაწილეებისთვის თბილისში ემასპინძლა. ჩვენმა ფედერაციამ ფიბა-ს აღმასრულებელ კომიტეტთან და მთლიანად, ხელმძღავნელობასთან ამ მიმართულებით დიდი სამუშაო გასწია, რის შემდეგაც, ევროპული კალათბურთის მმართველმა ორგანიზაციამ ჩვენთვის სასარგებლო გადაწყვეტილება მიიღო.

ფიბა-მ გაითვალისწინა ის გარემოება, რომ საქართველოს არაერთი უმაღლესი დონისა
და მასშტაბის საერთაშორისო ტურნირისთვის წარმატებულად უმასპინძლია და ჩვენთვის ისტორიული გადაწყვეტილება მიიღო: საქართველო ევროპის ასაკობრივი ჩემპიონატის A დივიზიონს პირველად უმასპინძლებს.

შეგახსენებთ, რომ ჩვენმა ნაკრებმა A დივიზიონის საგზური 2023 წელს მოიპოვა და ელიტაში ადგილი გასული წლის ზაფხულში, საბერძნეთში გამართულ ფინალურ ეტაპზე შეინარჩუნა.

GBF.GE

ასევე დაგაინტერესებთ