საქართველოს 16-წლამდელთა ნაკრებმა თურქეთის საერთაშორისო ტურნირზე ასპარეზობა დაასრულა. მესამე, დასკვნით მატჩში ჩვენი გუნდი რუმინელ თანატოლებს შეხვდა. მატჩის უმეტეს დროს საქართველოს ნაკრები ლიდერობდა, თუმცა ბოლო პერიოდი ჩვენებმა 7:16 დათმეს და შეხვედრაც სამწუხაროდ, წააგეს – 69:74.ნიკა ბურჯანაძის, ბექა ბექაიას და გიორგი გოგალაძის გაწვრთნილმა ჩვენმა ნაკრებმა პირველი პერიოდი 27:22 მოიგო. მეორე ათწუთეულში თანაბარი ბრძოლა გაჩაღდა. რუმინელები წამოგვეწივნენ და ერთი ხანობა წინაც გავიდნენ, თუმცა ქართველებმა ლიდერობა მალევე დაიბრუნეს და დიდ შესვენებაზე 4-ქულიანი უპირატესობით გავიდნენ – 43:39.
მესამე პერიოდში საქართველოს ნაკრების უპირატესობა 10 ქულამდეც
გაიზარდა. მეოთხედის შუაწელში სანდრო შარვაშიძის ორქულიანს ქართველების 52:42 დაწინაურება მოჰყვა. რუმინელებმა წუთშესვენება აიღეს და პაუზის შემდეგ უკეთესად ათამაშდნენ. პერიოდის ბოლომდე მეტოქემ ჩამორჩენა კვლავ 4 ქულამდე შეამცირა და მთავარი ბრძოლა გადამწყვეტ ათწუთეულში შედგა.
შეხვედრის დასრულებამდე 6 წუთით ადრე რუმინელებმა ანგარიში გაათანაბრეს და მომდევნო შეტევაში წინაც გავიდნენ – 68:66. თამაშის დასრულებამდე 2:40 წუთით ადრე ნიკოლოზ ბოდაველის სამქულიანით საქართველომ ლიდერობა დაიბრუნა, თუმცა, სამწუხაროდ, საბოლოოდ. რუმინელებმა დარჩენილ დროში 8 უპასუხო ქულა ჩაგვიგდეს და საბოლოოდ გაიმარჯვეს კიდეც.
მატჩის ყველაზე შედეგიანი მოთამაშე საკალათბურთო აკადემიის წევრი დავით ტრაპაიძე გახდა, რომელმაც 28 ქულა, 5 პასი და 4 მოხსნა მიითვალა. ტრაპაიძემ 16 ცდიდან 6 სამქულიანი ჩააგდო. 11 ქულა, 6 მოხსნა და 4 პასი დააგროვა საბა პატაშურმა, რომელიც ტურნირის სიმბოლურ ხუთეულში მოხვდა. პატაშურთან ერთად ხუთეულში 2 თურქი, 1 სერბი და 1 რუმინელი მოთამაშე შევიდნენ.
მატჩის ყველაზე შედეგიანი მოთამაშე საკალათბურთო აკადემიის წევრი დავით ტრაპაიძე გახდა, რომელმაც 28 ქულა, 5 პასი და 4 მოხსნა მიითვალა. ტრაპაიძემ 16 ცდიდან 6 სამქულიანი ჩააგდო. 11 ქულა, 6 მოხსნა და 4 პასი დააგროვა საბა პატაშურმა, რომელიც ტურნირის სიმბოლურ ხუთეულში მოხვდა. პატაშურთან ერთად ხუთეულში 2 თურქი, 1 სერბი და 1 რუმინელი მოთამაშე შევიდნენ.
GBF.GE
საქართველოს 16-წლამდელთა ნაკრები სტამბოლში თურქეთთან დამარცხდა
