"ცოტა ხნის წინ პოპოვიჩმა დამირეკა და მითხრა, რომ..." - სანდრომ სამომავლო გეგმების შესახებ ისაუბრა

"სან ანტონიო სპურსის" კალათბურთელმა სანდრო მამუკელაშვილმა Antonio San Express-News-თან ინტერვიუში სამომავლო გეგმებისა და მოახლოებული მსოფლიო ჩემპიონატის შესახებ ისაუბრა. მოგეხსენებათ, რამდენიმე დღის წინ ქართველმა მოთამაშემ ტეხასელებთან 1-წლიანი კონტრაქტი გააფორმა. მისი თქმით, ამ გადაწყვეტილებაში უდიდესი როლი ლეგენდარულმა გრეგ პოპოვიჩმა ითამაშა.

"კონტრაქტის გახანგრძლივების წინ გრეგ პოპოვიჩმა დამირეკა და წარმატება მისურვა. ძალიან, ძალიან ბედნიერი ვიყავი. მისი სატელეფონო ზარი ჩემთვის ძალიან ბევრს ნიშნავდა. ყოველთვის მსურდა, რომ პოპოვიჩის ხელმძღვანელობის ქვეშ მეთამაშა. საოცარი შეგრძნებაა, რომ მასთან ასეთი ურთიერთობა მაქვს.

რაც შეეხება მოახლოებულ მსოფლიო ჩემპიონატს, ერთი სული მაქვს,

პარკეტზე როდის გავალ. ვეცდები, საუკეთესო კალათბურთი ვითამაშო", - განაცხადა მამუკელაშვილმა.

შეგახსენებთ, მამუკელაშვილი გრეგ პოპოვიჩის გუნდს გასულ სეზონში "მილუოკი ბაქსიდან" შეუერთდა. ქართველმა "სპერსში" 18 მატჩი ჩაატარა, სანდრო მოედანზე საშუალოდ 22.50 წუთს ატარებდა, მისი მონაგარი კი 10.2 ქულა, 6.6 მოხსნა, 2.3 შედეგიანი გადაცემა, 0.6 ჩაჭრა და 0.3 დაფარება გახლდათ.

alt სანდრო მამუკელაშვილის 13 ქულა და 8 მოხსნა "ფინიქსთან" საკმარისი არ აღმოჩნდა [VIDEO]

alt მამუკელაშვილის 10 ქულა და 5 მოხსნა 28 წუთში - "სან ანტონიო სპერსი" "ვაშინგტონ ვიზარდსთან" დამარცხდა [VIDEO]

alt სანდრო მამუკელაშვილის პირადი რეკორდი NBA-ში - 14 მოხსნა "მემფისთან"

ეროვნული ნაკრები

"ცოტა ხნის წინ პოპოვიჩმა დამირეკა და მითხრა, რომ..." - სანდრომ სამომავლო გეგმების შესახებ ისაუბრა